Romy Rafael
| Romy Rafael | |
|---|---|
 | |
| Lair | Romy Tunggul Widodo Juli 12, 1977  Surabaya, Indonésia |
| Pakaryan | Pesulap |
| Taun aktif | 2006 - saiki |
Romy Rafael nama aslinipun Romy Tunggul Widodo (lair ing Surabaya, Jawa Timur, 12 Juli 1977; umur 47 taun).[1] Misuwur dados pesulap saking Indonésia.[2] Nanging Romy Rafael nolak boten purun dipunwastani pesulap amargi babagan ingkang dipunsinaoni sapunika hipnotis, miturut Romy, sulap punika bènten kaliyan hipnotis amargi sulap boten wonten unsur magic.[2] Romy Rafael asring ngginakaken tutup mustaka ingkang warninipun cemeng punika nyinaoni hipnotis saha ginanipun kirang langkung sekawan taun wonten Amérika, kados ta wonten ing Hypnotism Training Institute, Ultimate Stage Hypnotism Institute, saha Institute for Neuro Research and Education.[2] Romy sapunika nguwaosi ngèlmu hipnotis kanggé panggung saham hiburan, klinis (usada masalah-masalah psikis), medis (kadhokteran), saha hipnosis kanggé bisnis saha perusahaan.[2] Sasampunipun wangsul wonten Indonésia, Romy milih jalur entertainment kanggé ngrembakakaken katrampilanipun.[2] Punika amargi Romy kepéngin ngicalaken jesan boten saé saking hipnotis ingkang samangké misuwur dados ngèlmu kanggé kadurjanan saha kriminal.[2] Romy Rafael ugi mbikak Klinik Romy Rafael Hypnotheraphy wonten ing bilangan Jakarta Selatan.[2] Romy nerangaken manawi klinik punika saged marasaken tiyang ingkang nandang lelara jiwa kados ta stres, depresi, phobia (kewedèn), saha ngicalaken kabiyasaan ingkang ala kados ta ngrokok saha ngginakaken usada ingkang dipunlarang nagara.[2] Kanggé mbikak praktik terapi punika, Romy sampun gadhah sertifikat saking American Board of Hypnotherapy (A.B.H.), National Guild of Hypnotism (N.G.H.), IACT saha ITTO kanthi pengalaman langkung saking gangsal taun wonten ing babagan hipnotis klinis saha medikal.[2] Kajawi mbikak klinik, Romy ugi nyerat buku ingkang irah-irahaipun Hipnoterapi: Quit Smoking! nalika taun 2006.[2] Buku punika isinipun panuntun kanggé ngicalaken kecanduan rokok.[2]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |