Ratu Kalinyamat
Ratu Kalinyamat ya iku Ratu kang nguwasani karaton Kalinyamat. Asma Kalinyamat dijupuk saka asma garwané ya iku Radèn Kalinyamat utawa Sultan Hadirin. Déné asma Ratu Kalinyamat iku asliné Ratu Retna Kencana. Ratu Retna Kencana iku laréné Sultan Trenggana, lan adhik saka Sunan Prawata utawa kang duwèni jeneng asli Pangèran Mukmin. Ratu Retna Kencana duwèni kanca, ya iku Wulan Tapak Duri. Wulan Tapak Duri semana uga remen kaliyan Pangèran Kalinyamat. Pangèran Kalinyamat asma asliné Pangèran Toyib, putra Sultan Mughayat Syah, Raja Acèh (1514-1528), banjur Pangèran Kalinyamat pindhah menyang tanah Jawa ngadegaké désa Kalinyamat. Minangka nikah kaliyan Ratu Retna Kencana, Pangèran Kalinyamat merkolèh jejuluk Sultan Hadirin. Nanging kadadéan sing ora apik ana ing pihak Ratu Retna Kencana, kasebab Kangmasé kang mimpin karajan Demak iku duwèni dendam temurun karo Arya Penangsang. Sunan Prawata wusanané séda ing tangané patih utusané Arya Penangsang. Ora mung iku waé, jebul Arya Penangsang isih duwé rasa dhendham, saéngga Sultan Hadirin garwané Ratu Retna Kencana iku uga mati ing tangané utusan saka Arya Penangsang. Banjur Ratu Kalinyamat tapa tanpa busana kang diarani tapa wuda ing bukit Danaraja lan Ratu Kalinyamat sumpah ora bakal jengkar saka pertapané yèn durung bisa kèsèt rambuté Arya Panangsang. Tapa iku jalaran Ratu Kalinyamat kepéngén Arya Penangsang binasa saka bumi. Kanthi jalaran Sutawijaya Ratu Kalinyamat ngrasa lega, sebab wong kang wis matèni sadulur lan bojoné iku wis binasa. Wusanané Ratu Kalinyamat nguwasani wewengkon Jepara kanthi merhatekaké ngrembakané Bandar Niaga.