Radèn Rara
Radèn Rara (dicekak: Rr.) ya iku gelar ningrat Jawa kanggo sawiji wong wadon katurunan darah dalem saka kraton. Gelar iki kanggo katurunan ningrat Jawa kaping papat nganti saterusé saka darah dalem Sultan/raja Jawa. Gelar iki dianggo dèning kabèh kraton-kraton pewaris trah Kasultanan Mataram, kayadèné Kasultanan Ngayogyakarta Hadiningrat lan Kasunanan Surakarta. Gelar iki kanggo wong wadon sing durung omah-omah utawa durung nikah. Yèn wis duwé bojo gelaré owah dadi Radèn Ngantèn.