RM Teguh Supriyanto

RM Teguh Supriyanto yaiku salah sawijining dwija agung agelar profesor bidhang Ilmu Sastra ing Fakultas Basa lan Seni, Unnes (Pawiyatan Luhur Negeri Semarang). Panjenengané miyos ing Banyumas dina Setu Pon 7 Januari 1961 Masèhi utawa 19 Rejeb Éhé taun Jawi 1892 utawa 19 Rajab 1380 Hijriyah windu Sancaya mbarengi mangsa Palguna utawa Kapitu ing wuku Pahang. RM Teguh Supriyanto putra pasangan saka bapak RM. Tarsan Soedibjo darah Dalem Paku Buwana kaping V lan ibu R. Ay. Mas'ah darah Dalem Hamengku Buwana VII. Panjenengané wis ngabdi ing pawiyatan luhur Universias Negeri Semarang wiwit taun 1990 nganti saiki, nalika kuwi pawiyatan luhur kang isih duwé jeneng Institut Keguruan dan Ilmu Pendidikan (IKIP) Semarang. Nalika taun 2014 RM Teguh Supriyanto kaganjar gelar profesor saka pamaréntah Républik Indonésia lumantar Kementerian Pendidikan Riset dan Teknologi.

Riwayat Sekolah

Prof. RM. Teguh Supriyanto kang dadi dwija agung sepisan ing pawiyatan luhur negeri Semarang (Unnes) kawit golongan sarjana nempuh winaya ing antarané:

• S1 Sastra Dhaérah UNS Surakarta taun 1986
• RELEC Seameo Singapura 1992
• S2 Ilmu Sastra UGM Ngayogyakarta taun 1994 -1998
• S3 Ilmu Sastra UGM Ngayogyakarta taun 2006

Profésor Sastra

Ngrampungaké program Doktoral ing pawiyatan luhur Universitas Gadjah Mada taun 2006 kanthi naliti Hegemoni Terhadap Sastra Populèr Carita Silat Naga Sasra dan Sabuk Inten anggitan SH. Mintardja kanthi promotor Prof. Dr. Siti Chamamah Soeratno lan kopromotor Prof. Dr. Faruk HT, SU kasil netepi disertasiné ing ngarepé dewan penguji. Taun 2015 mapan ing auditorium Prof. Wuryanto nampa SK guru besar lan RM. Teguh Supriyanto katetepaké dadi profesor Ilmu Sastra ing Fakultas Bahasa dan Seni, Unnes.