Politèknik Imigrasi

Imaji Akademi Imigrasi dipunpendhet saking Satelit ing nginggil 630 kaki

Akademi Imigrasi (AIM) inggih punika salah satunggaling sekolah pendhidhikan kedinasan ingkang mapan wonten ing sak ngandhaping Departemen Hukum lan Hak Asasi Manungsa Républik Indonésia. Akademi punika dipundhirikaken ing taun 1962 lan sempat mandheg sekedhap ingkang salajengipun saged dipunfungsikaken malih ing taun 2000. AIM gadhah ancas kanggé nyithak kader pimpinan ing lingkungan Direktorat Jenderal Imigrasi lan Departemen Hukum dan Hak Asasi Manusia, lan ing tembe ngajengipun sadaya lulusan saking perguruan tinggi punika badhé mapan wonten ing sadaya kantor imigrasi ing Indonésia utawi ing perwakilan imigrasi ing manca nagari.

Dangunipun pendhidhikan

Pendhidhikan wonten ing Akademi Imigrasi dipuntindakaken dangunipun tigang taun ingkang dipunwiwiti saking Pendhidhikan Dasar Kasamaptaan ingkang dipunawasi déning Korps Marinir lan utawi Korps Brimob (tigang taun kepengker dipuntindakaken kanthi gantosan ing Bumi Marinir Cilandal lan Pusat Brimob Kelapa Dua), ingkang salajengipun dipunterasaken kanthi masa BASIS, inggih ounika persiapan lan nepangaken pagesanganipun taruna dhateng calon taruna ing Ksatrian AIM- Pusdiklat Depkum dan HAM RI dangunipun tigang sasi. Formasi Taruna Akademi Imigrasi (wiwit Angkatan IV/2000)

Tahun	Angkatan	Jumlah Taruna/i
1999	IV	64
2000	V	61
2001	VI	62
2002	VII	63
2003	VIII	60
2004	IX	62
2005	X	65
2006	XI	63
2007	XII	60
2008	XIII	63
2009	XIV	65
2010	XV	65

| 2011 | XVI | 65 |}

Praktek kerja

Praktek makarya dipuntindakaken wonten ing tigang tahap, inggih punika:

• Tahap I: Praktek Pengenalan Lapangan (PPL) ingkang dipuntindakaken wonten ing pungkasaning semester 2.
• Tahap II: Praktek Kerja Lapangan (PKL) ngkang dipuntindakaken wonten ing pungkasaning semester 4.
• Tahap III: Kuliah Kerja Nyata (KKN) ngkang dipuntindakaken wonten ing pungkasaning semester 6.

Prosès mlebet

Ujiyan mlebet sekolah akademi imigrasi punika dipuntindakaken kanthi ngginakaken sistem palastra ingkang nyangkup tes kelengkepen administrasi lan dhuwur badanipun, tes keséhatan lan jasmani (samapta), psikotes, tes skolastik/ akademik, wawancara, lan pamantoan kaping pungkasan.

Lokasi

Lokasinipun Kampus AIM utawi ingkang asring dipunsebat Ksatrian AIM inggih mapan wonten ing Badan Pengembangan SDM Hukum lan HAM (BPSDM) Depkumham RI ing Jalan Raya Gandul, Cinere- Kotif Dhépok, Jawa Kulon.

Fasilitas pendhidhikan

Saben taruna AIM dipunparingi fasilitas asrama lan sadaya perlengkapan lan atribut taruna ingkang ngambah seragam PDO (busana dinas ulah raga), PDL (busana dinas lapangan), PDH (busana dinas pesiar), seragam marching band saha atribut sanèsipun kados ta topi pet, baret ngantos sepatu. Saben sasinipun, taruna AIM inggih ugi pikantuk sangu lan pesiar saben sak peken sapisan. Ksatrian AIM ugi dipunjangkepi kaliyan sarana ulah raga saha lapangan badminton, bal-balan, basket, voli, tenis, lan gym, saha basa Inggris lan komputer.