Pirangon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar Pirangon

Pirangon iku gelar asma Mesir Kuna kanggo jabatan karaton. Istilah iki mulané sajatiné tegesé "kedhaton" utawa "dalem (omah) gedhé". Nanging sairinging sajarah tegesé dadi owang lan pungkasané tegesé dadi Ratu utawa Raja. Para Ratu iki dipercayani titsané Bathara Horus[1]

Etimologi[sunting | sunting sumber]

Tembung Pirangon iku wusanané diturunaké saka tembung majemuk (?) sing katulis pr-`3 utawa par'o ing basa Mesir. Tembung iki digunakaké ing ukara-ukara kaya ta smr pr-`3 "Priyayi Dalem Gedhé" lan utamané ngrujuk gedhong kedhaton utawa kedhatoné dhéwé.

Tembung Pirangon ing basa Jawa dijupuk saka basa Arab فرعون fir`aun. Tembung Arab iki ing basa Melayu utawa basa Indonesia dijupuk dadi Firaun utawa Fir'aun. Basa Arab iki njupuk saka basa Ibrani (פַּרְעֹה Parʿo, Ibrani Tiberias Parʿōh) utawa langsung saka basa Mesir. Sing cetha ora dijupuk saka basa Koptik, minangka katurunan basa Mesir sing mutakir dhéwé. Ing basa Koptik tembung iki dadi p'rro utawa malahan rro waé.

Ing basa-basa Eropa kayadéné basa Inggris, pasang aksarané iku Pharaoh, sing dijupuk saka basa Latin lan asalé basa Yunani. Basa Yunani langsung njupuk saka basa Mesir.

Cathetan sikil[sunting | sunting sumber]

  1. ^ The Way to Eternity: Egyptian Myth, F. Fleming & A. Lothian, 12, 59
Sumber artikel punika saking kaca situs web: "http://jv.wikipedia.org/w/index.php?title=Pirangon&oldid=820118"