Pirngon

Saka Wikipédia Jawa, bauwarna bébas abasa Jawa
(Dilih saka Pirangon)
Gambar Pirngon

Pirngon iku gelar asma Mesir Kuna kanggo jabatan karaton. Istilah iki mulané sajatiné tegesé "kedhaton" utawa "dalem (omah) gedhé". Nanging sairinging sajarah tegesé dadi owang lan pungkasané tegesé dadi Ratu utawa Raja. Para Ratu iki dipercayani titsané Bathara Horus[1]

Etimologi[besut | besut sumber]

Tembung Pirngon iku wusanané diturunaké saka tembung majemuk (?) sing katulis pr-`3 utawa par'o ing basa Mesir. Tembung iki digunakaké ing ukara-ukara kaya ta smr pr-`3 "Priyayi Dalem Gedhé" lan utamané ngrujuk gedhong kedhaton utawa kedhatoné dhéwé.

Tembung Pirngon ing basa Jawa dijupuk saka basa Arab فرعون fir`aun. Tembung Arab iki ing basa Melayu utawa basa Indonesia dijupuk dadi Pirngon utawa Pirngon. Basa Arab iki njupuk saka basa Ibrani (פַּרְעֹה Parʿo, Ibrani Tiberias Parʿōh) utawa langsung saka basa Mesir. Sing cetha ora dijupuk saka basa Koptik, minangka katurunan basa Mesir sing mutakir dhéwé. Ing basa Koptik tembung iki dadi p'rro utawa malahan rro waé.

Ing basa-basa Éropah kayadéné basa Inggris, pasang aksarané iku Pharaoh, sing dijupuk saka basa Latin lan asalé basa Yunani. Basa Yunani langsung njupuk saka basa Mesir.

Cathetan sikil[besut | besut sumber]

  1. ^ The Way to Eternity: Egyptian Myth, F. Fleming & A. Lothian, 12, 59
Sumber artikel punika saking kaca situs web: "https://jv.wikipedia.org/w/index.php?title=Pirngon&oldid=995493"