Pesantrèn

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Salah siji pesantren ing Indonesia

Pesantren, pondhok pesantrèn, utawa disebut pondhok waé, iku sekolah kang duwé dhasar agama Islam manggon ana ing asrama kang ana ing Indonésia.[1] Pendidikan ing njero pesantren duwe tujuan kanggo golek pengetahuan ngenani al-Qur'an lan Sunnah Rasul, kanthi nyinaoni basa Arab lan kaidah-kaidah tata basa-basa Arab.[1] Para pelajar ana ing pesantrèn (dijenengi santri) sinau ana ing pesantrèn iki , lan manggon ana ing asrama kang wis disediakaké déning pesantrèn.[1] Institusi kang kaya iki uga ana ing negara-negara liyané; tuladhané yaiku ana ingi Malaysia lan Thailand kidul kang sinebut sekolah pondok, lan uga ing India lan Pakistan kang sinebut madrasa Islamia.[1]

Dhéfinisi pesantrèn[sunting | sunting sumber]

Istilah pesantren asalé saka tembung pe-santri-an, tembung "santri" duwe teges murid utawa siswa Basa Jawa.[2] Istilah pondhok asalé saka tembung Basa Arab funduuq (فندوق) kang tegesé yaiku panginepan.[2] Khusus ing Aceh, pesantren sinebut uga karo jeneng dayah.[2] Biasané pesantrèn dipandhégani déning Kyai.[2] Kanggo ngatur kegiatan lan kauripan ana ing pondhok pesantrèn, kyai milih salah siji santri senior kanggo ngatur para adhi-adhi kelasé, wong-wong sing dipilih kuwi biasané dijenengi lurah pondhok.[2] Tujuan para santri dipisahke saka wong tuwane yaiku supaya para santri bisa urip mandiri lan uga bisa ningkatake hubungan karo kyai lan uga Tuhan.[2] Pendapat liya, njelasake pesantren asale saka tembung santri kang bisa ditegesi karo panggo santri.[2] Tembung santri asalé saka tembung Cantrik (basa Sansakerta, utawa Jawa) kang duwé teges wong kang ngetutaké marang guru banjur dikembangaké déning Perguruan Taman Siswa ana ing sistem asrama kang dijenengi Pawiyatan.[2] Istilah santri uga ana ing basa Tamil, kang tegesé guru ngaji, lajeng C. C Berg duwé panemu ngenani istilah santri mau yaiku asalé saka tembung shastri, tegesé ya iku wong-wong kang ngerti babagan buku-buku suci agama Hindhu utawa sarjana ahli kitab suci agama Hindhu.[2]


Cathetan Suku[sunting | sunting sumber]

  1. ^ a b c d (id)www.pondokpesantren.net
  2. ^ a b c d e f g h i [Ronald Lukens-Bull 2005 A Peaceful Jihad: Negotiating Identity and Modernity in Muslim Java. New York: Palgrave McMillian, Pp. 48]
Sumber artikel punika saking kaca situs web: "http://jv.wikipedia.org/w/index.php?title=Pesantrèn&oldid=830581"