Parembugan:Basa Jawa Mataraman

Wewengkon

Kula maca artikel iki, lan wewengkon sing nganggo dhialèk iki ya iku mung Jawa Wétan. Yèn jenengé Bahasa Jawa Mataraman, terus laladan Yogya-Solo dhialèké jenengé apa? Kula nemokaké sacuplik adicara warta saka TATV Solo, lan pranatacarané ngomong yèn dhèwèké nggunakaké Ngoko Mataraman. Vidhéo ing detik 00.25: https://www.youtube.com/watch?v=jvlrVTn0tjU. Ping: @Rizal Febri:, @Wong Asor 123:, lan @Wirjadisastra:. — Labdajiwa (rembugan) 24 Oktober 2020 03.39 (UTC)[wangsuli]

@Labdajiwa: Miturut kula priyambak, jênêng basa Mataraman iku = basa kang dinggo ing wêwêngkon kang utamane kêna ing paribawa karaton Mataram Islam (kalêbu 2 kraton lan 2 pura/kadipaten). Ananging, miturut hawa têmbung iki (konteks) mbok manawa karêpe yaiku kanggo ñjênêngi mligi yen carabasa ana ing Jawa Wetan iku mau kêna paribawa kraton lan kaklumpukake dadi siji. Dadi ana têgês wiwitan (miturut têgês, lsp) lan têgês hawa têmbung (konteks). Ing Surakarta lan Ngayogyakarta dhewe, ana carabasane dhewe-dhewe c.Surakarta lan c.Ngayogyakarta. Carabasa baku utawa basa Jawa baku nganggo dhasar basa Jawa Mataraman utamane saka Surakarta lan Ngayogyakarta lan utamane maneh basa ing kuthaprajane yaiku Sala lan Nyogja. Dadi, bisa dijlentrehake wae karêpe têmbung pligi (istilah) pitulis wiki iki apa lan miturut têgês wiwitan, têgês hawa têmbung, jêmbaring têgês. Maturnuwun Wong Asor 123 (rembugan) 24 Oktober 2020 06.17 (UTC)[wangsuli]

@Labdajiwa: Bab dhialèk basa Jawa pancèn durung gumathok (fix). Ana kang ngarani dhialèk Wétan, Tengah, Kulon, lan ana kang ngarani mawa jeneng liya. Tekan sapréné aku durung nemu réferènsi kang apik bab dhialèk-dhialèk basa Jawa. Bab artikel iki, bokmanawa bisa diwènèhi tenger (tag) dhisik supaya kang maca bisa ngéwangi ndandani. Wirjadisastra (rembugan) 28 Oktober 2020 15.35 (UTC)[wangsuli]

@Labdajiwa: Bibar kula priyambak pikir malih, enggal trap manawi irah-irahan kalih naminipun kasêrat dados: Carabasa Jawa Mataraman Wetan. Amargi, miturut katrangan saking kaca punika sagêd dimangrêteni manawi carabasa punika naming kagêm ing laladan Jawa Wetan kadyata Madiyun lan Kadhiri. Dados, babonipun basa sami kalihan carabasa Surakarta lan Ngayogyakarta yaiku basa Mataraman. Ananging, mêsthi wontên bentênipun kalihan carabasa babonipun wau (dados mligi saha wontên ewah). Manawi tiyang Surakarta, Ngayogyakarta, Madiyun, Kadhiri badhe ngandika basanipun wau kalêbu basa Mataraman kamangka enggal bênêr. Ananging, manawi kêdah dipligikakên: basa Mataraman ingkang pundi?... Kamangka sagêd sumaur manawi basanipun yaiku carabasa Mataraman Wetan.

) basa Mataraman gadhah tigang putra yaiku carabasa Surakarta, carabasa Ngayogyakarta, kalihan carabasa Mataraman Wetan. Carabasa Surakarta saha cara basa Ngayogyakarta sagêd kemawon kaklêmpakakên dados carabasa Mataraman Kraton/Kutha/Kuthagara. Lajêng, basa Jawa Baku uga kawiyosakên kanthi botên langsung saking basa Mataraman. Amarga, basa Jawa Baku bañjur kadamêl saking kêmbangan (Ind: pola) basa Jawa ingkang limrah kagêm ana ing Surakarta kalihan Ngayogyakarta (2 carabasa wau). Dados, nami kalihan irah-irahan ingkang mligi sagêd ambêntenakên manawi kedah dipunpligikakên malih pundi kalihan pundinipun. Maturnuwun.

Wong Asor 123 (rembugan) 16 Novèmber 2020 16.28 (UTC)[wangsuli]

@Wong Asor 123: Matur nuwun sampun mangsuli. Manawi ngginakaken irah-irahan dados Carabasa Jawa Mataraman Wétan napa boten radi angèl? Amargi ing péranganing kaca menika wonten pamérangan malih, inggih punika "Mataraman Kulon (kalebu Pacitan, Ngawi, Magetan, lan Panaraga) lan Mataraman Wétan (kalebu Nganjuk, Trenggalèk, Tulungagung, Kadhiri, Blitar, lan Madiyun)". — Labdajiwa (rembugan) 17 Novèmber 2020 03.03 (UTC)[wangsuli]

@Labdajiwa: Manawi dipungantos dumados: Carabasa Mataraman Mañcanagaran, pripun miturut pañjênêngan? Amargi, laladan-laladan ing nginggil punika kalêbêt laladan mañcanagara ing Mataram. Kajabi, têtêmbungan pligi punika sagêd dipunagêm supados bêntên kalihan carabasa Mataraman Kraton/Kutha/Kuthagara ing Surakarta saha Ngayogyakarta. Lajêng, napa wontên laladan sanes ingkang taksih kalêbêt laladan mañcanagara nanging ugi kaprabawan dening basa Jawa Mataraman nggih? Maturnuwun. Wong Asor 123 (rembugan) 17 Novèmber 2020 06.35 (UTC)[wangsuli]