Pangepungan

Saka Wikipédia Jawa, bauwarna mardika basa Jawa
Pangepungan Konstantinopel karya Turki Utsmani taun 1453.

Sawijining pangepungan (Basa Inggris: siege) iku blokade militèr marang siji kutha utawa bètèng kanthi tujuan ngrebut kutha/bètèng mau, mawa kekuwatan langsung, utawa kanthi nimbulaké karugèn gedhé marang mungsuh (attrition). Sawijining pangepungan asring dibacutaké déning siji panyerbuan. Sawijining pangepungan racaké dumadi nalika siji kutha utawa bètèng nulak kanggo nyerah, lan angèl direbut liwat siji serangan frontal. Pangepungan dilakokaké kanthi cara nglilingi sasaran, nutup jalur metu lan lumebu bala uga barang-barang kabutuhan, bebarengan karo upaya kanggo ngurangi pertahanan mungsuh liwat senjata pangepungan, serangan artileri, pangedhukan, utawa sok-sok mawa apus goroh utawa pengkhianatan. Yèn asil siji pangepungan ora bisa ditemtokaké kanthi militèr, racaké asil pangepungan ditemtokaké déning luwé, ngelak, utawa panyebaran penyakit sing bisa dialami pihak panyerang utawa pihak sing kakepung.

Pangepungan gedhé dhéwé lan paling nggetih suwéné sajarah ya iku Pangepungan Leningrad déning Jerman Nazi sing suwéné 29 sasi, lan niwasaké 1,2 warga sipil.