Panganggo:S Rifqi/Taman Nasional Guadarrama

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Taman Nasional Sierra de Guadarrama
IUCN kategori II (taman nasional)
Circo y cima de Peñalara1.JPG
Puncak Peñalara lan laguna glasier Peñalara
PernahSierra de Guadarrama (Castile lan León lan Community of Madrid, Spain)
Koordhinat40°47′N 3°59′W / 40.783°N 3.983°W / 40.783; -3.983Koordhinat: 40°47′N 3°59′W / 40.783°N 3.983°W / 40.783; -3.983
Laladan339.60 km²
DikukuhakéJuni 26, 2013 (2013-06-26)
Bebadan pamaréntahanSpanish Ministry of Environment.
Watu granit ing taman nasional sing diajokaké.

Taman Nasional Siérra de Guadarrama (ing Basa Spanyol: Parque Nacional de la Sierra de Guadarrama) iku taman nasional ing Spanyol, jembaré 34.000 hektar, paling gedhé kalima ing sistêm taman nasional Spanyol. Pêgunungan Guadarrama (Sistema Central) ngandhut sawêtara wilayah kang sugih ékologiné, mapan ing Komunitas Madrid lan Castile-Leon (provinsi Segovia lan Ávila). Hukum sing ngatur taman nasional sing nêmbé waé disêtujoni iki ditêrbitaké ing BOE ing Juni 26, 2013 (2013-06-26).[1]

Ékologi[besut | besut sumber]

Proyèk kuwi kanggo nglindhungi sêwêlas macem ékosistêm saiki ing gunung-gunung Guadarrama, uga kalêbu siji-sijiné gunung dhuwur Meditérania. Kabéh ana luwih saka 1.280 spesies ing daérah sing nembé wae didadèkaké taman nasional, sing 13 ana ing bêbaya punah, luwih saka 1.500 têtanduran asli lan 30 macem végêtasi. Spésiés kéwan ing gunung-gunung iki makili 45% saka total fauna Spanyol lan 18% saka fauna Éropah. Végêtasi kang ana yaiku pinus Scots, oak, juniper, oak lan piorno, lan akéh spésiés liyané. Faunané, ana akéh mamalia kayata kidang (abang, roe, lan fallow), cèlèng, wêdhus, sawêtara mustelidaes, kucing, rubah, lsp.; akéh spésiés saka manuk waterfowl ing tlaga, lan raptor gêdhé kaya êlang Spanyol utawa Manuk nasar Éurasia. Nêmbé waé, kawanan srigala ditêmokaké ing taman sawise 70-taun ora kêtêmu ing wilayah kuwi.

Sêjarah usaha kanggo ngrancang taman iki[besut | besut sumber]

Masyarakat panjat gunung Peñalara ngajokakên ing taun 1920-an yèn pêgunungan Guadarrama (ing Basa  Spanyol: Sierra de Guadarrama) kudu didadèkaké taman nasional. Proyèk iki kudu ditahan nganti awal abad 21, nalika Komunitas Madrid nguripké proyèk iki. Ing ora anané têtapan dadi taman nasional, sawêtara wilayah saka pêgunungan kuwi padha diwènèhi pangayoman liya:

  • Wiwit 1984 El Escorial wis dilindhungi dadi Sana Warisan Donya (Biara saka San Lorenzo de El Escorial lan Alam Sakcêdhaké).
  • Ana taman alam, Taman Alam Peñalara, ditêtêpaké ing taun 1990. Taman alam uga ngandhut wilayah rawa wilayah kang penting kanggo amfibi, lan ing 2006 iki padha ditêtêpaké dadi situs Ramsar, Humedales del Macizo de Peñalar. Taman alam iki ing watês saka Wilayah Pangayoman Khusus kanggo manuk.
  • Ana taman daérah (Parque Regional de la Cuenca Alta del Manzanares), kang digawe ing taun 1980-an. Wilayah sing kalêbu taman daerah iki yaiku, basin Kali Manzanares bagian dhuwur, ditêtêpaké ing 1992 dadi cadhangan biosphere (Cuenca Alta del Río Manzanares).[2]

Minangka diajokaké ing awal abad 21, taman iki bakal dadi paling gedhé kêpapat ing Spanyol. Ing taun 2006, muncul yèn sêbutan taman nasional iki cakêt. [3] Rêncana kanggo bagéan saka taman nasional kalêbu ing watês saka Komunitas Madrid iki disêtujoni ing Novèmber 2006.

Rêncana ing Castile lan Leon[besut | besut sumber]

Otonomi masyarakat Castile lan Leon sarujuk ing pênambahan bagéan saka sawijining wilayah ing taman nasional sing diajokaké, nanging nêlat ing nggawé rêncana kuwi katon ing awal 2008 yèn proyèk iki dikêsampingké. Kacarita ing têrbitan yèn Castile lan Leon lagi kena pêngurangan cacahing pêndhudhuk sing gawé pamaréntah daérah wêgah matêsi pêmbangunan ing wilayah sing menarik kanggo pengembang amarga cedhak karo kutha krajan Spanyol. Nanging, pêngurangan cacahing pêndhudhuk dudu jlèntrèh resminé saka mandhêké urusan taman (sênajan pamaréntah daérah nyêbut pêngurangan cacahing pêndhudhuk dadi alêsan kanggo ndhukung pêmbangunan sing sugih ékologiné ing panggonan liya ing otonomi masyarakat, kayata San Glorio). Alêsan sing diwènèhi in publik kanggo mandhêké urusan taman nasional iku kêpinginan kanggo nglindhungi kapêntingan cara "tradisional" nganggo tanah, kalêbu pênêbangan komèrsial kang dilarang ing taman nasional Spanyol.[4] Ana tandha yèn Castile lan Leon luwih milih sawijining sisih pêngunungan bakal diwènèhi pangayoman sing luwih ngisor tingkaté saka pangayoman sing diwènèhake déning status taman nasional (kayata taman alam, utawa "taman daérah"). Nanging, ing taun 2009 Castile lan Leon njêlaské yèn bakal sarujuk rêncana kanggo taman nasional ing 2010, tur sing wis digawé cilik, lan jadwal iki wis tumèmplèk. Komunitas Madrid nggawé usulan sing padha taman sing wis digawé cilik (pirsani ing ngisor).

Rêncana ing Komunitas Madrid[besut | besut sumber]

Ing pungkasan taun 2008 Komunitas Madrid ngajokaké kanggo ngurangi ukuran bagèan Madrid saka taman nasional, kasêbut kapêntingan cara "tradisional" nganggo tanah kang bisa diwatêsi dèning aturan pêrêncanaan.[5] Prèsiden saka Masyarakat Madrid, Esperanza Aguirre, ndhukung yèn cara tradisional iku statègi konsêrvasi paling bêcik, lan dhèwèké nyêbut patêrnakan, migunakaké gunung, lan kêhutanan minangka kang tradisional ing pêgunungan. Aguirre sabanjuré nyêbut yèn dhèwèké nganggêp mburu lan mancing kuwi ing katagori sing padha.

Aguirre nyaranaké yèn wilayah sing bakal dilindhungi ora ana kang suda ing ukuran, nanging tingkat pangayomané wilayah ing njaba wilayah inti bakal disuda.[6] Wilayah taman nasional bakal umumé musat ing puncaké. Miringé gunung didatarké, bakal akèh kesempatan kanggo mbangun omah ing pegunungan kuwi. Usulan-usulan sing luwih rinci ditulis ing 2009, lan nampa tanggêpan bêcik saka municipios sing kêna pêngaruh, kang nampa katrangan kanggo tambah urbanisasi.

Waca uga[besut | besut sumber]

Rujukan[besut | besut sumber]

  1. (ing basa Spanyol) Boletín Oficial del Estado (2013-06-26). LEY 7/2013, de 25 de junio, de declaración del Parque Nacional de la Sierra de Guadarrama (PDF) (Report). Gobierno de España. Dijupuk 2013-06-27. 
  2. Biosphere Reserve Information
  3. (ing basa Spanyol) Aguirre presenta el proyecto del futuro Parque Nacional de la Sierra de Guadarrama ("Presentation of the future Guadarrama National Park") 8 February 2006, Press report from ElMundo.es, website of the Spanish newspaper El Mundo
  4. (ing basa Spanyol) "El ladrillo contra la sierra de Guadarrama" 18 February 2008, El País
  5. (ing basa Spanyol) "Aguirre recorta 14.000 hectáreas al parque nacional de Guadarrama" 24 October 2008, El País
  6. (ing basa Spanyol) Aguirre defiende la tala, la pesca y la caza en parques naturales 7 November 2008, El Páis

Pranala njaba[besut | besut sumber]

[[Kategori:Kategori II IUCN]]