Othello

Potrèt ing lukisan minyak saking Ira Aldridge minangka Othello déning Léon Herbo (1850-1907)

The Tragedy of Othello, the Moor of Venice, utawi Othello mawon inggih punika karyanipun William Shakespeare ingkang dipunserat wonten ing sekitar warsa 1603. Carita punika nyariosaken babagan Othello, jendral Moor ingkang nglindungi Siprus saking serangan Turki Ottoman kanggé Venesia. Kanthi rahasia, Othello nglamar Desdemona, putri Venesia ingkang enom lan sugih, sanajan tanpa idin saking bapakipun lan sanajan pungkasanipun dipunlawan. Cerita punika ugi nyritakaken babagan Iago, prajurit jahat ingkang ngobong rasa cemburu Othello, ngantos ing pungkasan Othello nglakoni pembunuhan dhateng Desdemona kanthi amarah.

Drama Othello tetep relevan lan populer amargi tema-temanipun babagan gairah, cemburu, lan ras. A.C. Bradley, kritikus Shakespeare ing awal abad kaping 20, njlentrehake cela tragis Othello minangka cemburu seksual ingkang intens ngantos ngowahi alam manungsa dados kekacauan lan mbebasaken insting primitif. Othello lan Iago sami-sami dipungerakaken dening rasa cemburu; cemburu Iago dipungambaraken minangka iri dhateng hal ingkang ala lan merusak kangge kebaikan.