Nostradamus

Saka Wikipédia, bauwarna bébas basa Jawa
Michel de Nostredame
Nostradamus by Cesar.jpg
Nostradamus: Lukisan foto Michel de Nostredame
Lair 14 December or 21 December December 1503
Saint-Rémy-de-Provence, France
Pati 2 Juli 1566(1566-07-02) (umur 62)
Salon-de-Provence, Perancis
Pakarya Apothecary, panulis, panerjemah, ahli astrolog
Kondhang awit Prophecy

Nostradamus (lair 14 Desember 1503 – pati 2 Juli 1566 ing yuswa 62 taun) inggih punika asma Latin saking Michel de Nostredame, ingkang dados pangripta utawi pengarang ramalan misuwur ing donya.[1] Nostradamus misuwur kanthi karyanipun ingkang irah-irahanipun Les Propheties ingkang terbit taun 1555.[1] Nostramadus inggih punika satunggalipun penyair ingkang caket kaliyan astrologi.[1] Asmanipun lan ramalan-ramalanipun saya dangu saya misuwur amargi kathah ramalanipun ingkang sampun nyata kabukten.[1] Nostramadus lair ing St Remy, Perancis, minangka putra ingkang wiwitan saking gangsal sadherekipun.[1] Minangka tiyang perancis, panjenenganipun nguwasani basa Latin, Yunani, Yahudi amargi dipunajari déning eyangipun, Jean.[1] Taun 1529 panjenenganipun pikantuk gelar ing bab pangobatan lan dados dhokteripun raja Charles IX.[1]

Nostradamus punika satunggalipun tiyang ingkang remen medhitasi lan kewasisanipun ing bab ningali wekdal ingkang badhe kalampah punika saking medhitasi punika. Wiwit punika Nostradamus asring nyerat menapa kemawon ingkang saged dipuntingali ing wekdal salajengipun (masa depan) wonten ing buku "centuries" taun 1558.[1] "Centuries" dipunterjemahaken dhateng basa Inggris taun 1672.[1] Salah satunggalipun sejarawan ingkang asmanipun Alexey Penzensky, ngendikaken bilih sadangunipun langkung saking 400 taun anggenipun neliti, saged dipunmangertosi Nostradamus misuwur ing sajarah minangka satunggalipun tukang ramal.[2] Ingkang wigatos inggih punika Nostradamus sampun ngramal kutha utawi negari senajan ing wekdal punika tiyang-tiyang boten sami mangertos naminipun kutha punika, lan sapunika tiyang-tiyang nembe nyadhari bilih kutha punika sami kaliyan kutha ingkang dipunngendikaken déning Nostramadus.[1][2]

Guillaume pollinaire, satunggalipun penyair ageng saking Perancis aabad 20 ngendikaken bilih Nostradamus minangga satunggalipun penyair agung.[1] Pungkasanipun, ahli basa lan sejarawan nyadhari bilih ramalan-ramalan Nostramadus punika satunggalipun karya ageng salaminya.[1]

Cathetan Suku[besut | besut sumber]

  1. ^ a b c d e f g h i j k l (id)Sejarah Ramalan Nostradamus dipunundhuh tanggal 16 Juli 2011)
  2. ^ a b (id)Mengenal Nostradamus dipunundhuh tanggal 16 Juli 2011)

Pranala Njawi[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Nostradamus&oldid=990885"