Nani Wijaya

Saka Wikipédia Jawa, bauwarna mardika basa Jawa
Nani Wijaya

Nani Wijaya (lair ing Cirebon, Jawa Barat, 10 Novèmber 1944; umur 79 taun).[1] Nani Wijaya punika misuwur dados salah satunggaling aktris senior ingkang dados bintang wonten ing sinétron-sinétron saha wonten ing filem layar lebar.[1] Nani Wijaya punika estrinipun aktor saha sutradara ingkang anami Misbach Yusa Biran.[1] Kajawi punika, Nani Wijaya ugi dados ibunipun almarhum Sukma Ayu saha Cahya Kamila.[2]

Nani Wijaya sangsaya misuwur nalika akting wonten ing serial komedi situasi ingkang irah-irahanipun Bajaj Bajuri.[1] Nalika samanten, nani Wijaya akting dados karakter Emak ingkang licik saha kepéngin mimpagipun piyambak.[1] Nalika akting dados Emak, Nany Wijaya saged ndamel émosi tiyang ingkang mirsani.[1] Kajawi punika, Nani Wijaya ugi saged akting lucu ing sinétron komedi punika.[1]

Kajawi akting wonten ing serial komedia Bajaj Bajuri, Nani Wijaya ugi akting wonten ing serial tivi kanthi irah-irahan Intan.[1] Wonten ing ngriki, Nani WIjaya akting dados mbahipun Intan ingkang gadhah katresnan ingkang tulus.[1] Karekter tulus, jujur saha tanpa pamrih punika ndadosaken wayahipun ingkang anami Intan punika tansah nemu begja wonten ing pundhi-pundhi panggénan.[1] Kajawi akting wonten sinétron ing tivi, Nani Wijaya ugi naté akting wonten ing filem layar lebar.[1] Film layar lebar ingkang naté dipunbintangi Nani wijaya inggih punika filem kanthi irah-irahan Darah Tinggi nalika taun 1958, RA Kartini (1984), Catatan Si Boy 1 lan 4 (1987 lan 1990), Opera Jakarta (1986), Yang (1983), Si Jampang Mencari Naga Hitam (1969), Operation X (1968), Yang Muda Yang Bercinta (1978), saha Pencuri Cinta (1984).[1]

Cathetan suku[besut | besut sumber]

  1. a b c d e f g h i j k l selebriti.kapanlagi.com(dipunundhuh tanggal 27 September 2011)
  2. enersi.com Archived 2012-03-02 at the Wayback Machine.(dipunundhuh tanggal 27 September 2011)