Naif (grup musik)
Cithakan:Grup musik Indonésia Naif inggih punika grup musik saking Indonesia ingkang dumadi ing tanggal 22 Oktober 1995 ing Jakarta.[1][2] Wiwitanipun Naif kapérang saking anggota Emil (Mohammad Amil Hussein, bass), David (David Bayu Danang Jaya, vokal), Jarwo (Fajar Endra Taruna, gitar), lan Pepeng (Franki Indrasmoro Sumbodo, drum) sarta Chandra (keyboard).[1] Taun 2003, Candra medal saking grup punika amargi badhé ngembangaken karieripun piyambak manut kaliyan babagan akademisipun.[1] Band punika dados amargi asringipun mahasiswa Institut Kesenian Jakarta (IKJ) kempalan damel tugas kuliyah.[1] Nanging boten damel tugas malah gladhèn band.[1] Kanthi posisi David ing vokal, Jarwo ing gitar, Chandra ing keyboard, Emil ing bass, lan Pepeng ing drum, lajeng wiwit aktif ngisi acara ing kampus IKJ.[1] Nama Naif dipunpendhet saking panyaruwe satunggalipun kanca, Dodot, ingkang mbiji lagu-lagunipun katingal prasaja kemawon, nanging tetep gadhah "isi" lan harmonis.[1] Sanèsipun punika, tembung "Naif" ugi gampil dipuneling-eling.[1] Taun 1996, Naif nawakaken demo kaset ingkang sampun dipundamel dhateng Bulletin (PT. Indo Semar Sakti) ingkang gadhah rencana badhé ngliris satunggal album komplikasi.[1] Perusahaan kasebat malah nawakaken badhé ndamelaken rekaman piyambak kanggé Naif.[1] Pungkasanipun Naif mlebet dapur rekaman lan kasil damel album NAIF (1998) kanthi Mobil Balap minangka lagu andhalanipun.[1] Ing taun ingkang sami Naif damel album ingkang nomer kalih, JANGAN TERLALU NAIF (1998), lan album ingkang kaping tiga Titik Cerah(2002).[1]
Cathetan suku
[besut | besut sumber]Pranala njawi
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |