Muzdalifah

Muzdalifah (Arab: مزدلفة‎‎) iku papan panggonan wujud dhataran, kang dumunung sacedhaké Mekah ing Saudi Arabia kang magepokan karo ritual ngibadah kaji. Tlatah iki dunungé ing kidul-wétané Mina ing dalan kang ngubungaké Mina lan Arafah. Saben taun ing tanggal 9 Dhulhijah, sawisé salat jamak takdim (salat lohor digabung salat Ashar ing wanci lohor) ing Arafat, jamaah kaji tumuju Muzdalifah ing wanci soré. Sebab saking akèhing manungsa, kerep para jamaah lagi bisa lumebu Muzdalifah ing tengah wengi. Ing Muzdalifah para jamaah mau nglumpukaké krikil (cacahé 49) kanggo mbalang jumrah ing Mina. Para jamaah kaji nginep ing Muzdalifah, kerep mung turu ing sangisoring langit tanpa téndha, sadurungé tumuju Mina dina ésuké.

Uga delengen

• Ibadah Kaji
• Mabit
• Mina

Pranala njaba

• Muzdalifah
• Tiga Jam Mencari Jalan Keluar dari Muzdalifah