Musiyum Nasional Tokyo

Saka Wikipédia Jawa, bauwarna bébas abasa Jawa
Tokyo Kokuritsu Hakubutsukan
Tokyo National Museum, Honkan 2010.jpg
Dikukuhaké 1872
Pernah Jepang Taman Ueno, Tokyo
Jinis peninggalan budaya Jepang dan Asia
Dhayoh 1.528.000 (data taun 2004)
Situs jaringan www.tnm.jp

Museum Nasional Tokyo (東京国立博物館 Tokyo Kokuritsu Hakubutsukan) inggih punika musiyumingkang paling sepuh ing Jepang ingkang dumunung wonten ing Taman Ueno, Tokyo. Museum punika kabangun nalika taun 1872, pengelolanipun inggih punika Institut Nasional Peninggalan Budaya (Kokuritsu Bunkazai Kikō).

Koleksi kasungsun saking kasugihan budaya arupi barang seni saha peninggalan arkéologi Asia saha Jepang. Museum punika kasungsun saking 5 gedung pameran: gedung utama (gladri Jepang), Tōyōkan (gladri Asia), Heiseikan (arkéologi Jepang), Hyōkeikan (ruwang pameran mirunggan), gladri barang pusaka Hōryū-ji, saha perpustakaan. Koleksinipun langkung saking 110.000 cacah, 87 antawisipun pusaka nasional Jepang, saha 610 peninggalan budaya ingkang wigati.

Sajarah[besut | besut sumber]

Wiwit saking sajarah musiyum ing Jepang inggih punika pameran barang-barang sajarah ingkang dipunadani déning Biro Museum Kementerian Pendidikan Jepang nalika taun 1872. Biro Museum dipundhirikaken satunggal taun saderengipun minangka panyelenggara pameran-pameran. Aula ingkang nama Taiseiden wonten ing Yushima Seidō, Tokyo dipundadaosaken lokasi pameran. Wonten ing iklan saha tiket mlebet nalika punika, nama musiyum kaserat minangka Museum Monbusho. Taun dipunadani pameran kasebut salajengipun katetepaken dados taun jumenengipun Museum Nasional Tokyo. Miturut rencana, barang-barang ingkang dipunpameraken badhé dipunkintun ing Pameran Dunia Wina taun 1873. Saking nishiki-e ingkang nggambaraken pameran nalika punika, ruangan pameran dipunkebaki déning kotak-kotak etalase saking kaca, lukisan, karya kaligrafi, barang-barang seni, artefak, spésimèn, herbarium, saha opsetan kéwan. Ing antawising barang ingkang dipunpameraken wonten penghias payon shachihoko emas saking Pura Nagoya. Miturut rencana, pameran dipunwiwiti tanggal 10 Maret 1872 saha naming 20 dinten. Pangunjung ingkang kapingin ningali kathah sanget, saéngga kedah dipunwatesi. Saengga pameran dipunpungkasi dumugi pungkasan April 1872. Total cacahing pangunjung dipunprakirakaken dumugi 150.000 tiyang.

Nalika taun 1873, Museum Monbusho dipungabung kaliyan Kantor Pameran (Hakurankai Jimukyoku) ingkang wonten ing sangandhapipun Dajōkan. Papanipun ugi dipunpindah saking Yushima Seidō ke Uchiyamashita-chō (sapunika Uchisaiwai-chō ing Chiyoda, Tokyo). Pameran taun 1873 dipunlangsungaken wiwit 15 April 1873 dangunipun tigang sepalih wulan. Koleksi musiyum nalika punika ugi nyakup spésimèn kéwan, tetuwuhann, saha batu mineral.

Kantor Pameran dipunsebut malih Museum (Hakubutsukan) nalika taun 1875, saha pengelolaan musiyum dipunalihaken dhumateng Kementerian Dalam Negeri. Nalika taun 1876, Hisanari Machida dipunangkat dados direktur musiyum ingkang angka pisanan. Machida inggih punika birokrat saking Domain Satsuma ingkang ndhiriaken gedung musiyum saha njagi peninggalan budaya nalika wiwitaning jaman Meiji. Amargi jasanipun, monumen pengetan Hisanari Machida dipunyasa ing wingking musiyum. Wiwit taun 1881, pengelolaan musiyum dados tanggel jawabipun Kementerian Pertanian dan Perdagangansaderengipun punalihaken dhumateng Badan Rumah Tangga Kekaisaran nalika taun 1886.

Pameran Promosi Industri Dalam Negeri (Naigoku Kangyō Hakurankai) ingkang angka pisan dipunadani taun 1887. Pameran kasebut dipunadani kanthi kawicaksanan fukoku kyōhei, shokusan kōgyō ingkang dipuntindakaken Pamarentah Meiji. Lokasinipun ing bekas papan kediaman biksu Kan'ei-ji (lokasi Museum Nasional Tokyo ingkang sapunika). Wonten ing pameran kasebut, salah satunggaling gedung dipunagem saperlu mameraken barang seni, saha dados musiyum seni ingkang angka pisan ing Jepang. Miturut Machida, gedung sampun sempit saha bahaya nalika kadadosan kobongan. Panyuwuan Machida saperlu mindahaken lokasi pameran ing Taman Ueno dipunsengkuyung déning pamaréntah.

Gedung ing Taman Ueno dipunrancang déning arsitèk Josiah Conder. Lokasinipun ing bekas papan kediaman biksu Kan'ei-ji. Sasampunipun taun 1881, gedung kalih lante saking bata kasebut dipundadosaken papan Pameran Promosi Industri Dalam Negeri II. Nalika wulan Maret taun candhakipun, gedung ing Taman Ueno resmi dipundadosaken gedung utama musiyum. Gedung musiyum seni ingkang dipunyasa sekawan taun saderengipun saperlu Pameran Promosi Industri Dalam Negeri I dipundadosaken gedung ingkang angka kalih. Ananging kekalih gedung kasebut risak nalika lindhu besar Kanto 1923.

Cathetan suku[besut | besut sumber]