Monumen Yos Sudarso
| Monumen Yos Sudarso | |
 Monumen Yos Sudarso | |
| Informasi tempat wisata | |
|---|---|
| Lokasi | Kutha Tegal |
| Nagara | Indonesia |
| Dirancang ing | Sapto Hudoyo |
| Pangelola | TNI AL |
| Awal pembangunan | 1969 |
Monumèn Yos Sudarso ya iku salah sijiné tugu prasasti ing Kutha Tegal, Jawa Tengah kang didekké minangka wujud pakurmatan marang para pahlawan kang wis nglilakaké nyawané, palastra ing Payudan Laut Aru surya 15 Januari 1962. Monumen iki diresmekaké ing surya 15 Januari 1969 déning Deputi Khusus, Laksamana Muda Laut Suharno. Monumen iki manggon ana ing Dalan Pemuda Kutha Tegal, Jawa Tengah, persis ing ngarepé Gedung DPRD Kutha Tegal. Ing taun 2013, monumèn iku didandani tanpa ninggal bentuk asliné. Saben taun, monumèn iki minangka upacara minangka mengeti Dina Dharma Samudera, déning para prajurit Tentara Nasional Indonesia Anngkatan Laut.[1][2][3]
Sajarah[besut | besut sumber]
Monumen iki didekaké minangka pakurmatan kanggo para pahlawan kang palastra ana ing Payudan Laut Aru surya 15 Januari 1962. Ing payudan iku, salah sijiné prajurit tulad palastra ya iku Deputi Kepala Staf Angkatan Laut (KSAL), Komodor Yos Sudarso, Kapten Laut Wiratno, Kapten Laut Memet Sastrawiria, Letnan Muda Tjiptadi lan selikur anak buahe KRI Macan Tutul liyané. Kajaba iku, gawéné monumèn iku uga kanggo mengeti jasa-jasané para pahlawan laut kang wis nglilakaké dadi pangudi ing Kutha Tegal nalika mangsa Payudan Kamardikan.[4]
Kutha Tegal njarag dipilih minangka papan monumèn amarga saka ing kutha iki cikal lan bakal ngadeké Pawiyatan Angkatan Laut. Tegal awujud kutha pasisir sarta palabuhan kang cukup strategis ing sadawané tlatah pasisir lor (pantai utara utawa pantura) Jawa. Ing kutha iki, nalika wiwitan kamardhikan dumadi Badan Keamanan Rakyat (BKR) Laut kang sabanjuré dadi pangkalan-pangkalan Angkatan Laut Republik Indonesia (ALRI) kang duwé kadigdayan gedhé. Ing sabanjuré, pangkalan ALRI IV Tegal malih dadi Corps Armada IV Tegal.[5] Monumen Yos Suedarso dibangun taun 1968 ing Kutha Tegal, Jawa Tengah lan dumunung ing dalan utama, persis ngarepé bekas Balai Kota Tegal (saiki didadekke Gedung DPRD Kota Tegal). Monumen iki diresmekaké surya 15 Januari 1969 déning Deputi Khusus, Laksamana Muda Laut Suharno ngenani pengetan Dina Dharma Samudera.[6]
Sing ngrancang monumèn iki ya iku seniman Saptohoedojo saka Ngayogyakarta, awujud wewangunan piramida kepapras, lan matrialé digawé saka beton. Ing sisih njabané dilapisi marmer ireng lan sisih ndhuwuré diwènèhi dhudhukan patung segi papat minangka guluné monumèn. Ing ndhuwur dhéwé (puncak) monumèn dipasang patung dhadha Komodor Yos Sudarso kang digawé saka bahan perunggu. Dhuwuré monumèn iki 9 mèter, ngadek ing lemah ambané 49 mèter persegi. Patung iki madhep lor, arah Sagara Jawa. Ing sisih tengah, dipasangi simbol ALRI lan sisih ngisor ana jeneng-jeneng para pahlawan Laut Aru kang palastra, sarta dipasang prasasti peresmian kang tulisané kaya mengkéné: "Monumen Jos Soedarso diresmikan olèh Panglima Angkatan Laut Laksamana Laut Moeljadi, Tegal tanggal 15 Djanuari 1969".
Uga delengen[besut | besut sumber]
Rujukan[besut | besut sumber]
- ↑ Info Tegal Info Tegal,diakses 7 Februari 2015
- ↑ "Lantamal 5 TNI AL,diakses 7 Februari 2015". Diarsip saka sing asli ing 2015-02-07. Dibukak ing 2017-04-20.
- ↑ "Situs resmi Pemerintah Kota Tegal ,diakses 7 Februari 2015". Diarsip saka sing asli ing 2017-03-29. Dibukak ing 2017-04-20.
- ↑ "Zakapedia,diakses 7 Februari 2015". Diarsip saka sing asli ing 2015-02-07. Dibukak ing 2017-04-20.
- ↑ "Telkom University,diakses 7 Februari 2015". Diarsip saka sing asli ing 2015-02-07. Dibukak ing 2017-04-20.
- ↑ Metropolis Pos,diakses 7 Februari 2015