C (basa pamrograman)

Basa pamrograman C iku salah siji basa pamrograman komputer. Digawé taun 1972 déning Dennis Ritchie kanggo Sistem Operasi Unix ing Bell Telephone Laboratories.

Senadyan C digawé kanggo mrogram sistem lan jaringan komputer nanging basa iki uga sering dipigunakaké jroning ngembangaké software aplikasi. C uga akèh dianggo déning manéka jinis platform sistem operasi lan arsitektur komputer, malahan sawetara compiler sing populèr banget wis ana. C sacara luar biasa mengaruhi basa populèr liyané, utamané C++ sing dadi èkstènsi saka C.

Vèrsi basa C

C K&R

Ing taun 1978, Dennis Ritchie lan Brian Kernighan macak édhisi pisanan saka buku sing judhulé The C Programming Language. Buku iki nganti saiki diakoni minangka kitab suci Basa C lan minangka referensi utama pemrogram sing kepingin weruh Basa C, utamané amarga cakupan buku ini ngenani Basa C pepak lan gampangé program sing digawé conto jroning buku iki.

Vèrsi Basa C sing ditampilaké jroning buku iki banjur dikenal jroning kalangan pemrogram minangka C K&R. Ing buku The C Programming Language édhisi kaloro banjur nglingkupi ANSI C sing dikenalaké tiba mburi.

ANSI C & ISO C

Ing perkembangané, muncul vèrsi-vèrsi C liya sing wusanané gawé bingung kalangan pemrogram. Amarga saka kuwi, ing taun 1983, American National Standards Institute (ANSI) gawé komité kanggo gawé siji vèrsi standar Basa C. Sawisé ngliwati prosès dawa lan rupak, ing taun 1989, wis kasil disahaké standar sing dijenengaké ANSI X3.159-1989, vèrsi iki kerep dijenengaké ANSI C, utawa kadhangkala C89.

Taun 1990, vèrsi ANSI C diadopsi déning Organization for Standardization (ISO) kanthi pangowahan sethithik kanthi jeneng ISO/IEC 9899:1990. Vèrsi iki kerep dijenengaké ISO C utawa C90. Amarga vèrsi ANSI C lan ISO C mung nduwèni prabédan sethithik, mula C90 lan C89 ngarujuk marang basa sing padha.

C99

Vèrsi C99 digawé déning ISO C ing taun 1999. Vèrsi ini diangkah utamané kanggo nambah dhukungan marang pamrograman mawa orièntasi objèk, utamané sawisé C++, sing digawé adhedhasar basa iki antuk panggonan sing istimewa ing kalangan pemrogram

Hello, World!

Ing ngisor iki conto program prasaja sing bakal nyithak kalimat "Hello, World!" migunakaké pustaka stdio.h (ANSI C):

#include <stdio.h>
#include <conio.h> 
int main(void) {
printf("Hello, World!\n");
return 0;
}

Pranala jaba

• Programming C di Wikibooks
• (ing basa Indonésia) Buku Gratis Pamrograman Basa C dengan Turbo C