C (basa pamrograman)

Basa pamrograman C iku basa pamrograman komputer. Digawé taun 1972 déning Dennis Ritchie kanggo Sistem Operasi Unix ing Bell Telephone Laboratories.

Sanadyan C digawé kanggo mrogram sistem lan jaringan komputer nanging basa iki uga sok dipigunakaké sajeroning ngembangaké software aplikasi. C uga akèh dianggo déning manéka jinis platform sistem operasi lan arsitèktur komputer, malahan sawatara compiler kang populèr banget wis ana. C kanthi luar biyasa mengaruhi basa populèr liyané, mligi C++ kang dadi èkstènsi saka C.

Vèrsi basa C

C K&R

Ing taun 1978, Dennis Ritchie lan Brian Kernighan macak édhisi pisanan saka buku kang judhulé The C Programming Language. Buku iki nganti saiki diakoni minangka kitab suci Basa C lan minangka referensi utama pemrogram kang péngin weruh Basa C, mligi amarga cakupan buku ini ngenani Basa C pepak lan gampangé program kang digawé conto sajeroning buku iki.

Vèrsi Basa C kang ditampilaké sajeroning buku iki banjur dikenal sajeroning kalangan pemrogram minangka C K&R. Ing buku The C Programming Language édhisi kaloro banjur nglingkupi ANSI C kang kawanuhaké tiba mburi.

ANSI C & ISO C

Ing perkembangané, muncul vèrsi-vèrsi C liya kang wusanané gawé bingung kalangan pemrogram. Amarga saka iku, ing taun 1983, American National Standards Institute (ANSI) gawé komité kanggo gawé siji vèrsi standar Basa C. Sawisé ngliwati prosès dawa lan rupak, ing taun 1989, wis kasil disahaké standar kang dijenengaké ANSI X3.159-1989, vèrsi iki kerep dijenengaké ANSI C, utawa kadhangkala C89.

Taun 1990, vèrsi ANSI C diadopsi déning Organization for Standardization (ISO) kanthi pangowahan sethithik kanthi jeneng ISO/IEC 9899:1990. Vèrsi iki kerep dijenengaké ISO C utawa C90. Amarga vèrsi ANSI C lan ISO C mung duwé prabédan sethithik, mula C90 lan C89 tegesé basa kang padha.

C99

Vèrsi C99 digawé déning ISO C ing taun 1999. Vèrsi ini diangkah mligi kanggo nambah panyengkuyung marang pamrograman mawa orièntasi objèk, mligi sawisé C++, kang digawé dhedhasar basa iki olèh panggonan kang istimewa ing kalangan pemrogram

Hello, World!

Ing ngisor iki conto program prasaja kang bakal nyithak kalimat "Hello, World!" migunakaké pustaka stdio.h (ANSI C):

#include <stdio.h>
#include <conio.h>
int main(void) {
printf("Hello, World!\n");
return 0;
}

Pranala njaba

• Programming C di Wikibooks
• Buku Gratis Pamrograman Basa C dengan Turbo C