Kulawarga basa Austroasiatika

Austroasiatika
Austro-Asia
Pasebaran	Asia Kidul lan Kidul-Wétan
Pepanthaning basa	Salah siji kulawarga basa utama donya
Turun	Mon-Khmer Munda
Basa Austroasiatika

Kulawarga basa Austroasiatika sing kanthi harafiah ateges “Asia Kidul”, iku sawijining kulawarga basa-basa sing dicaturaké ing Asia Kidul-Wétan lan Asia Kidul. Ing antarané basa-basa sing kalebu kulawarga basa iki, mung basa Vietnam, basa Khmer, lan basa Mon sing duwé cathetan sajarah sing dawa. Basa Vietnam lan basa Khmer duwé status basa resmi (basa Vietnam ing Vietnam lan basa Khmer ing Kamboja), sauntara basa Santali lan basa Khasi duwé status basa resmi ing tingkat praja ing India. Basa liya saka rumpun iki dicaturaké déning saklompok cilik masarakat.

Rumpun basa Austroasiatika nyebar kapisah-pisah ing India, Bangladesh, lan Asia Kidul-Wétan, dipisahké déning laladan ing endi basa-basa liya dituturaké. Sacara wiyar dipercaya yèn kulawarga basa Austroasiatika arupa basa asli laladan ing Asia Kidul-Wétan lan pérangan wétan anak bawana India, lan yèn kulawarga basa liya ing laladan iku kalebu Indo-Éropah, Tai-Kadai, Dravida, lan Sino-Tibet, iku asil saka migrasi manungsa sing dumadi ing tembé wuri. (Minangka conto, ana tembung-tembung basa Austroasiatika ing kulawarga basa Tibeto-Burma ing Nepal wétan.) Sapérangan ahli basa wis nyoba mbuktèkaké yèn kulawarga basa Austroasiatika sakerabat karo kulawarga basa Austronesia, saéngga minangka rumpun gedhé Austrik.

Basa Austroasiatika kanthi skematis

Rumpun basa Austroasiatika kanthi skematis:

Austroasiatika

• basa Munda
  • basa Mundari
  • basa Santali
• basa Mon-Khmer
  • basa Mon
  • basa Vietnam
  • basa Khmu
  • basa Asli

Pranala njaba

• Mon-Khmer.com: Lectures by Paul Sidwell
• Ethnologue classification
• Mon-Khmer languages at SEAlang