Miloš Krasić

Saka Wikipédia Jawa, bauwarna mardika basa Jawa
Miloš Krasić
Katerangan priangga
Jeneng dawa Miloš Krasić
Dhuwur 1.85 m (6 ft 1 in)
Posisi main Winger / Attacking midfielder
Katerangan klub
Tim saiki
Juventus
Angka 27
Karir sénior*
Taun Tim Main (Gul)
1999–2004 Vojvodina 77 (7)
2004–2010 CSKA Moscow 150 (26)
2010– Juventus 33 (7)
Tim nasional
2006– Serbia 41 (3)

* Gunggung main lan gul ing klub sénior tumrap liga dhomèstik iki mligi lan patitis per pukul 18:54, 22 Mèi 2011 (UTC).

‡ Gunggung main lan gul ing tim nasional iki patitis per pukul 9 Fèbruari 2011 (UTC)

Miloš Krasić lair ana ing kutha kang jenengé Kosovska Mitrovica tanggal 1 November 1984 ya iku juru main bal-balan kang mbéla tim juventus.[1] Kosovska Mitrovica ya iku kutha kang panggoné ana ing sisih lor kutha Kosovo. Krasic miwiti karir bal-balané jaman cilik ana ing tim lokal Rodar Kosovska Mitrovica lan wiwit dadi pusat kawigatèné wong akèh.[1] Taun 1999, nalika umuré nembé 15 taun, dhèwèké banjur pindhah menyang Vojvodina Novi Sad.[1] Ana ing tim iki Krasić miwiti kariré dadi juru main tambahan lan dadi juru main internasional bareng karo tim Vujadin Boskov lan Sinisa Mihajlovic.[1]

Krasic ana ing Novi Sad suwéné 4 mangsa, lan dadi kaptèn tim sadurungé pindhah menyang tim CSKA Moskow ana ing taun 2004.[1] Ing Ruslan bakat saka Krasic bisa metu lan dadi inceran saka tim-tim liya amarga kesuksèsané.[1] Ana ing wektu limang taun iki Milos wis tau menangaké Piala UEFA, kaping pindho dadi jawara Liga Ruslan, kaping papat jawara Piala Ruslan lan uga wis menangaké Piala super Ruslan kaping telu.[1] Tèknik dribel lan umpané kang apik saka sisih tengen lan uga kaprigelané kanggo ngegolaké ndadèkaké Milos olèh gelar juru main paling apik Serbia amarga bisa gawé gol akèh.[1] Sawisé iku Milos banjur diundang kanggo mèlu gabung ana ing tim Nasional.[1] Pisanané ana ing tim Nasional Bal-balan sakngisoré umur 21 taun utawa skuad U-21 Milos bisa lumebu final taun 2004 ing Piala Éropa U-21 nalika kalah saka Italia.[1] Saliyané iku Milos uga mèlu gabung ana ing Tim Nasional bal-balan kanggo Olimpiade Athena.[2] Nalika iku Milos uga dadi juru main utama kanggo kualifikasi Piala Donya 2010 lan gawé sakgol nalika lawan Litowen lan Ostenrik.[2]

Cathetan sikil[besut | besut sumber]

  1. a b c d e f g h i j "www.juventus.co.id". Diarsip saka sing asli ing 2011-08-10. Dibukak ing 2011-06-26.
  2. a b www.goal.com