Mikroblog

Saka Wikipédia Jawa, bauwarna bébas abasa Jawa

Mikroblog iku sawijining wangun blog sing para panganggoné bisa nulis tèks cekak sing biasané kurang saka 200 karakter lan mublikasi, supaya dideleng kabèh wong utawa klompok winates sing dipilih déning panganggo kasebut. Pesen-pesen iki bisa dikirim liwat manéka cara ya iku liwat SMS (Short Message Service), pesen instan, surat elektronik, digital audio utawa wèb. Sing mbédakaké mikroblog karo blog liyané ya iku mikroblog nduwèni ukuran sing luwih cilik tinimbang ukuran blog sabeneré. Ananging tujuané tetep padha ya iku panganggo nulis topik tinamtu. Panganggo mikroblog uga bisa mènèhi komentar marang tèks sing digawé déning panganggo liya lan semono uga suwaliké. Layanan iki bisa diundhuh sacara gratis. Ora ana kriteria-kriteria khusus kanggo migunakaké layanan iki, kabèh wong ing saindhenging donya bisa ngayahi aktivitas nulis tèks singkat k nganggo fasilitas sing disadiyakaké déninbg mikroblog. Mikroblog wis ngalami perkembangan lan nyadiakaké akèh fasilitas sing bisa digunakaké.

Pranala jaba[besut | besut sumber]

Rujukan[besut | besut sumber]

  • Sawyer, Stacey C. & Williams, Brian K. (2001). Using Information Technology, New York: McGraw-Hill Company.
  • Lin, Carolyn A. & Atkin, David A. (2002). Communication Technology and Society, Cresskill, NJ: Hampton Press, Inc.
Sumber artikel punika saking kaca situs web: "https://jv.wikipedia.org/w/index.php?title=Mikroblog&oldid=967886"