Martin Kelly
Martin Ronald Kelly (lair 27 April 1990; umur 29 taun) iku sakwijining juru main bal-balan sing berkewarganegaraan Inggris lan tau main ing Liverpool FC minangka pemain saka jebolan akadhemi, nanging wiwit taun 2014 Kelly dilego déniing manajer Liverpool nalika iku, Brendan Rodgers menyang klub Londhon yaiku Crystal Palace. Kelly kang manggon ana ing posisi bèk swiwi iku satemené digadhang bakal dadi legendha ing Liverpool, nanging amarga ketaman cedera lan mainé kang dirasa kurang prigel, satemah kelakon didol.
Kelly iku produké Akademi Liverpool lan wis gabung wiwit umuré pitung taun[1], tau disilihné ana ing Huddersfield Town taun 2009 kanggo nambah jumlah pengalamané main[2]. Ndèk taun 2014 areké pindah ana ing Crystal Palace F.C. lan tanggal 26 Mèi 2014 areké melok tetandhingan bal-balan kekancan nglawan Norwégia. Wulan November taun 2015 areké dadi pahlawan kanggo kemenangané Crystal Palace F.C. wektu nglawan klubé ndisik ya iku Liverpool nanging areké ora gelem mangayubagya golé.[3] Ndèk taun 2016 iki areké orak melok kejuaraan Eropa sing dianakaké ing Perancis.
Réferènsi[besut | besut sumber]
- ↑ Hunter, Steve. "Kelly out to emulate Stevie". Liverpool FC. Dibukak ing 22 February 2012.
- ↑ "Defender joins Terries on loan". Liverpool F.C. 26 March 2009. Dibukak ing 28 October 2011.
- ↑ "Martin Kelly refuses to celebrate Crystal Palace goals in win over old club Liverpool". www.dailymail.co.uk. Dibukak ing 10 August 2016.