Mancala

Saka Wikipédia Jawa, bauwarna mardika basa Jawa
Cukilan Mancala ing jaman Aksum, Ethiopia.

Mancala iku kaluwarganing dolanan nganggo papan sing kondhang ing donya. Salah sawijining kulawarga dolanan Mancala ya iku dhakon. Ing sadéngah panggonan, dolanan papan iki nganggo jeneng sing béda-béda lan kanthi paugeran sing ora padha, ing antarané karan congklak (Melayu), lan Sungka (Filipina). Tembung mancala iku saka basa Arab 'naqala sing artiné nglangkah. Tembung Mancala digunakaké ing Siria, Lebanon, lan Mesir. Manut bukti sajarah, barang tuwa dhéwé sing dianggep kaya mancala tinemu ing Ethiopia. Manut arkéolog, watu dolanan mau digawé udakara antara abad angka 6-abad angka 7 masehi.