Madurodam

Saka Wikipédia Jawa, bauwarna bébas abasa Jawa
Madurodam ing Den Haag, Walanda

Madurodam ya iku kutha miniatur kang dumunung ing Scheveningen, Den Haag, Walanda. Ing lemah kang ambané 18.000 m2 iku ana miniatur yasan kang ana ing saindhenging kutha ing Walanda.[1] Gedhong-gedhong ing Madurodam duwé skala 1:25. Madurodam iku dijenengaké miturut George Maduro, sawijining mahasiswa saka Curaçao sing dadi opsir lan mbaléla nglawan Wadyabala Nazi nalikané Perang Donya II banjur palastra. Sakabèhing yasan iku minangka sapérangan wewengkon kang wigati ing Walanda.[1] Tuladhané miniatur Menara Papan Anggegana Schipol, Amsterdam kang dhuwure mung patang mèter. Madurodam resmi dibuka kanggo papan wisata umum nalika tanggal 2 Juli 1952.[2] Komplèk miniatur iki uga nduwé wali kutha kang diangkat resmi. Ratu Beatrix uga naté dadi wali kutha ing kéné sadurungé dadi ratu nalika taun 1980. Jejibahané wali kutha Madurodam ya iku mimpin lan ngresmèkaké modèl miniatur anyar kang ditambahaké ing sajeroning komplèk, uga mbuka ekshibisi resmi rutin.

Cathetan suku[besut | besut sumber]