Macan Jawa

Saka Wikipédia, bauwarna bébas basa Jawa
Macan Jawa
Foto Macan Jawa ingkang dipunpedhet ing taun 1938
Status konsèrvasi

Kritis, mbokmenawi sirna
Klasifikasi èlmiah
Krajan: Animalia
Filum: Chordata
Kelas: Mammalia
Ordo: Carnivora
Kulawarga: Felidae
Marga: Panthera
Jinis: P. tigris
Subspecies: P. t. sondaica
Trinomial name
Panthera tigris sondaica
(Temminck, 1844)
Péta wewengkonipun Macan Jawa

Macan Jawa (Panthera tigris sondaica) inggih punika salah satunggalipun jinis sato macan ingkang gesang ing Pulo Jawa.[1][2] Macan punika dipunpratélakaken menawi sampun cures ing taun 1980-an, amargi dipunburu lan habitatipun ingkang ical amargi ngrembakanipun papan pertanian.[1] Wonten pawartos menawi Macan Jawa sampun cures watawis taun 1950-an, nalika wonten pawartos kinten-kinten macan punika namung kantun 25 cacahipun.[1] Ingkang pungkasan wonten pawartos menawi ing taun 1972 macan punika taksih wonten.[1] Ing taun 1979 wonten pratandha menawi macan punika taksih kantun tiga.[1] Kemungkinan alit Kéwan punika taksih déréng cures.[1] Ing taun 1990-an womten sawetawis lapuran bab taksih wontenipun kèwan punika, sanajan lapuran punika boten saged dipunklarifikasi.[1][2]

Ing pungkasanipun abad kaping 18, habitat Macan Jawa inggih punika wonten ing sadaya Pulo Jawa. Nalika taun 1850, kathah tiyang ingkang wiwit manggén ing dhaérah ingkang sejatosipun dados habitatipun Macan Jawa.[3] Wiwit taun 1940-an, Macan Jawa pindhah dhateng gugung lan wana.[3] Watawis taun 1970, Macan Jawa dipunmangertosi namung wonten ing wewengkon Gunung Betiri, gunung ingkang inggilipun 1.192 métér ing Pulo Jawa sisih kidul wetan.[3]

Cathetan Suku[besut | besut sumber]

  1. ^ a b c d e f g (en)Bambang M. 2002. In search of 'extinct' Javan tiger. The Jakarta Post (October 30). dipunundhuh tanggal 29 Agustus 2011)
  2. ^ a b (id)Harimau jawa belum punah! (Indonesian Javan Tiger website) dipunundhuh tanggal 29 Agustus 2011)
  3. ^ a b c (en)[Seidensticker, J. (1987) Bearing Witness: Observations on the Extinction of Panthera tigris balica and Panthera tigris sondaica. In: Tilson, R. L., Seal, U.S. (eds.) Tigers of the World. Noyes Publications, New Jersey.]
Macan Jawa kang diajak ing Malingping, Lebak ing taun 1941

Pranala Njawi[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Macan_Jawa&oldid=1014197"