Luxor

Saka Wikipédia Jawa, bauwarna mardika basa Jawa
Kapal pesiar Nil pinuju mampir ing Luxor.

Luxor (basa Arab: الأقصر) iku sawijining kutha modhèren kang dumunung ing gisik w’etan lan kulon kali Nil ing Mesir pérangan lor. Dibangun ing tilas lokasi Thebes, kutha krajan Mesir kuna kang misuwur (2052 SM). Raja-raja Pirngon mréntah ing kéné, nyiptakalé peradaban kang durung naté dideleng donya sadurungé.

Lemah-lemah sagara wedhi pérangan kuloné kang ing mangsa kapungkur dikenal minangka “kutha pepatèn” iku papan para penerus Déwa Amon disarèkaké bebarengan rajabrana kang bisa digawa menyang kauripan abadi (miturut kapercayané). Nyimpen cathetan kolèksi seni lan cathetan arkeologis Mesir purba kang akèh banget, sapérangan malah dirunut bali wiwit taun 3000 SM. Penggalian pungkasan diayahi ing makam Fir’aun cilik, Tutankhamen, kang kebak rajabrana emas, reca lan layang aji.

Kanthi jembar wewengkon ±15 km²) lan kang ndunungi 93.000 jiwa, Thebes dumunung mligi inggisik wétan lembah kali kang subur iku. Ing lokasi asli, monumèn-monumèn tuwa dhéwé asal saka Dinasti XI (2081-1939 SM), wektu kutha provinsi iku dadi kutha krajan Mesir nyawiji.

Bibliografi[besut | besut sumber]

  • Chrisanne Beckner dan Eddy Soetrisno, 2001, Buku Pintar 100 Kota Besar Bersejarah di Dunia. Jakarta: Ladang Pustaka & Intimedia.

Uga delengen[besut | besut sumber]