Lenga gorèng

Saka Wikipédia Jawa, bauwarna bébas abasa Jawa
Lenga gorèng

Lenga gorèng ya iku lenga kan asalé saka gajih tanduran utawa kéwan kang dimurnèkake lan wujudé cair ing suhu kamae lan racaké kanggo nggoreng panganan.[1] Lenga goreng saka tanduran racaké saka tanduran kaya kelapa, winih, kacang, jagung, kedele, lan kanola.[1]

Rusake lenga gorèng[besut | besut sumber]

Lenga gorèng racaké bisa digunakaké nganti ping 3 utawa 4 panggorengan.[2] Yèn digunakaké terus-terusan, warna lenga bakalan maleh.[2]

Rikala dianggo nggoreng, ikatan rangkap kang ana ing asam lemak tak jenuh bakal pedot lan mbentuk asam lemak jenuh.[2] Lenga kang apik ya iku lenga kang ngandut asam lemak tak jenuh kang luwih akèh tinimbang karo kandhutan asam lemak jenuhe.[2]

Sawisé dianggo ping prang-pirang, asam lemak kang ana ing lenga bakal saya jenuh.[3] Kahanan kang kaya ngono diarani lenga jelantah utawa lenga wis rusak.[3] panganggo lenga kang ping pirang-pirang bakal nggawe ikatan rangkap lenga teroksidasi mbentuk gugus peroksida lan monomer siklik, lenga kang kaya ngono wis rusak lan ora apik kanggo kasarasan.[3] Suhu kang saya dhuwur lan saya suwé manasi, nyebabake kadar asam lemak jenuh bakal saya munggah.[3] Minyak nabati kang duwé kadar asam lemak dhuwur bakal njalari panganan kang digoreng dadi mbebayani kasarasan.[3]

Saliyané amarga dianggo nggoreng bola-bali, lenga bisa rusa amarga kesuwen disimpen saéngga ikatan trigliserida pecah dadi gliserol lan asam lemak bébas.[3]

Sumber[besut | besut sumber]

Biasane lenga gorèng asalé saka lenga kelapa sawit.[4] Lenga kelapa bisa minangka nggoreng amarga struktur lengane kang duwé ikatan rangkep saéngga lengane bisa kelebu lemak tak jenuh kang siate stabil.[4] Saliyané iku ing lenga kelapa duwé asam lemak esensial kang ora bisa disintesis karo awak.[4] Asam lemak mau iku asam palmitat, stearat, olet lan linoleat.[4]

Lenga kang racaké kanggo nggoreng saliyané lenga kelapa sawit ya iku lenga palm kernel, parl olein, palm stearin lan tallow.[5] Saliyané iku ana uga lenga liya kaya lenga winih anggur, kembang srengéngé, kedele, lan zaitun.[5] lenga-lenga iku ora trep yèn kanggo nggoreng nanging lenga-lenga iki duwé kandhutan asam lemak kang dhuwur lan racaké digunakaké mawa bahan tambahan ing salad lan panganan liya.[5]

Cathetan suku[besut | besut sumber]

  1. ^ a b Club Discussion Jakarta (dipunundhuh tanggal 27 Januari 2013)
  2. ^ a b c d Minyak Goreng (dipunundhuh tanggal 27 Januari 2013)
  3. ^ a b c d e f Minyak goreng dan kolesterol (dipunundhuh tanggal 27 Januari 2013)
  4. ^ a b c d RSI Cempaka (dipunundhuh tanggal 27 Januari 2013)
  5. ^ a b c Rumah Kangker (dipunundhuh tanggal 27 Januari 2013)