Lemur

Saka Wikipédia Jawa, bauwarna bébas abasa Jawa
Lemur kanti buntut belang mubeng

Lemur, kang asalé saka basa Latin lemures, ya iku kéwan saka ordho primata kang urip lan manggon Madagaskar, Afrika.[1] Arti saka tembung lemures iki ya iku makluk utawa arwah ing wayang wengi utawa memedi.[1] Hal iki mungkin amerga wujud mata saka kéwan iki bisa mantulaké cahya ing wayah wengi ln dibarengi karo jeritané kang banter.[2]

Penyebaran lan habitat[besut | besut sumber]

Kabèh lemur amung tinemu ing Madagaskar, salah sijiné pulo ing bagiyan wétan Afrika.[3] Senajan ana salah sijiné pulo, lemur urip ing pira-pira habitat.[2] Pirang-pirang urip ing alas tropis, sawentara kang liya urip ing ara-ara kang garing.[4] Ana 6 jinis lemur kang kasebar ing Madagaskar, ya iku L.macoco kang ingaran lemur ireng kanti habitat ing pérangan kulon Madagaskar; L.Fulvus ya iku lemur coklat kang urip ing pulo Comoros; L.mongoz ing kulon Madagaskar; L.rubiventer ing pérangan wétan lan tengah pulo; L.coronatus ing pérangan lor; sarta L.catta kang buntute belang lan uring ing bagiyan kidul pulo Madagaskar.[5]

Morfologi[besut | besut sumber]

dawa ndas dan awak lemur ya iku antara 28 nganti 56 sentimeter, wondene dawa buntut lemur antarané 28 nganti 65 sentimeter.[6] Lemur duwé buntut kang dawa lan belang, kanti belang ireng-putih kang selang-seling.[3] awak werna abang-cokelat kanti tambahan klawu ing rambute karo bagiyan ngisor awak werna putih, uga tangan lan sikile uga ana rambut kang wernane putih.[3] Bagiyan rai lemur iki werna putih kanti bercak coklat ireng ing sekitar mata, mata wernané coklat, lan bagiyan cangkeme wernané ireng.[3] Kuping lemur duwé rambut wernané putih, bersudut lan meh padha karo kuping kucing.[7] Lemur lanang lan wédok cenderung ukurane padha kanti bobot sekitar 2 nganti 4,5 kg lan gumantung saka jinis spesiese.[6]

Jinise Lemur[besut | besut sumber]

Aye-aye[besut | besut sumber]

Aye-aye arupa kéwan paling aneh ing ndonya. Lemur kang mentu ing wayah wengi lan kang kerep ndewe iki katon kaya arupa campuran saka pira-pira variasi binatang. Aye-aye meh padha kucing kang kang gadhe ananging duwé rai kang meh padha ferret utawa weasel (sejinis musang), kuping meh padha lower kang bisa muter kanti bébas, untu kang thukul sacara konstan meh padha untu kéwan pengerat, sapasang mata ijo kang tajem, lan sapasang tangan ireng kanti balung driji tengah kang nonjol ngelingake marang pang garing. Aye-aye nggunakae driji kasebut kanggo njupuk larva serangga kang mumupet ing njero kulit wit, wiji-wijian, lan buah-buahan. sianambi menek pang wit, aye-aye nuthuk-nuthuk permukaan kulit wit lan ngrungokake suwara rongga ing jero kayu. Nalika krungu anané panganan ing ngisor kulit kayu, aye-aye bakal nggerogoti kayu kanggo kanggo njupuk panganane.

Verreaux's Sifaka[besut | besut sumber]

Verreaux's Sifaka urip ing alas garing Madagaskar kulonn lan lor kanti mangan gegodhong, buah-buahan, lan kembang-kembagan. Sifaka duwé jeneng sebutan, ananging sebutan kang paling terkenal ya iku ”lemur tari” amerga obahan dhèwèké nalika mlaku ing lemah.

Réferènsi[besut | besut sumber]

  1. ^ a b Situs Kumpulan Remaja Pecinta alam.
  2. ^ a b Situs Mongbay Indonésia
  3. ^ a b c d Situs Macnature : Lemur ekor cincin
  4. ^ (en)Anderson, Norman D; Walter R. Brown (1984). Lemurs. New York: Dodd, Mead. k. 56. ISBN 0396084540.  Cite nganggo paramèter lawas |coauthors= (pitulung)
  5. ^ (en)Peter, J.J; A. Petter Roseaux (1979). Classification of the Prosimians. London: Academic Press. kk. 1–44.  Cite nganggo paramèter lawas |coauthors= (pitulung)
  6. ^ a b Situs Animals Jrank: Lemurs
  7. ^ situs Mongbay Indonésia: Wild Life Lemurers

Pranala njaba[besut | besut sumber]