Laura Altman Smith Bohannan

Saka Wikipédia Jawa, bauwarna mardika basa Jawa
Menyang navigasi Menyang panggolèkan

Laura Altman Smith Bohannan utawa dikenal Laura Bohannan ya iku ahli antropologi wanita saka New York, Amérikah Sarékat, kalahiran 20 Juli 1922[1][2]. Laura Bohannan olèh pendhidhikan sarjana (BA) ing Universitas Arizona taun 1943. Sabanjuré, dhèwèké lanjut pasca sarjana (MA) ing Universitas Arizona taun 1947 lan doktor D.Phil. ing Universitas Oxford taun 1951. Laura naté nglakoni panlitian lapangan ing Tiv, Nigéria (1949-1951) lan Wangan Kénya (1954-1956). Laura uga nulis karya-karya antropologis lan kang wis diterbitké iku antarané ‘A Tiv genealogical charter’, [Africa 22, 4] (1952), Return to Laughter (as Eleanor Smith Bowen) (1955), lan ‘Shakespeare in the Bush’, Natural History, August/September karo Bohannan, P.J. (1968) Tiv Economy, Evanston[1][3]. Laura duwé peran kang penting ing bab panlitian struktur bebrayan kang ora duwé negara, metodhé antropologis, lan épistemologi. Panlitian lapangan ing Tiv, Nigeria karo lakiné Paul James Bohannan, ngasilaké panlitian étnografis kang penting[1].

Rujukan[besut | besut sumber]

  1. a b c Amit, Vered, (ed.) (2004). Biographical dictionary of social and cultural anthropology. London: Routledge. p. 86. ISBN 020364459X. OCLC 436848672.CS1 maint: extra text: authors list (link)
  2. "Laura Bohannan". Natural History. Dibukak tanggal 2017-12-05.
  3. "Laura Bohannan". Copro.com. Dibukak tanggal 2017-12-05.