Kelly Puspito
Kelly Puspito (lair ing Kabupatèn Pati, Jawa Tengah, 27 Agustus 1930 – pati ing Semarang, Jawa Tengah, 19 Dhésèmber 2009 ing umur 79 taun) ya iku salah sijiné musikus saka Indonesia. Dhèwèké kawèntar minangka pangripta utawa panganggit lagu Keroncong Tanah Airku[1][2]. Kelly wis cedhak karo donyané musik awit taksih lungguh ing Sekolah Menengah Pertama. Saliyané ngripta lagu keroncong, nganggit, nggladhi paduan suara, keroncong, lan kolintang, dhèwèké uga dadi dosèn sapérang mata kuliah ing Universitas Negeri Semarang (mbiyen IKIP Negeri Semarang)[3] minangka dosèn luwar biyasa. Kelly Puspito kalebu salah sijiné pangripta lagu kang merbawani kamajoan musik keroncong Indonesia. Pakaryané asring di dadekké minangka materi adon-adon Festival Bintang Radio lan Televisi (BRTV) uga didadekké bahan kajian déning para mahasiswa kang lagi ngrampungké tugas pungkas awujud nulis skripsi[4].
Riwayat[besut | besut sumber]
Mendalam lembah curam
Di sela gunung yang meninggi
Suatu sesawangan
Tanah airku Indonesia
Elok adi
Sungai-sungai mengalir berliku
Melalui hutan yang menghijau
Menuju ke laut biru
Sarta padi berayun mendesah
Dihembus angin yang menderu
Indah tanah airku
Indonesia Raya pujaan bangsaku
Tanah airku yang kaya raya
Awit isih sinau ana ing Sekolah Menengah Pertama, Kelly Puspito wis seneng karo donyané musik lan nyoba mainké. Wektu semono, musik-musik sing wiramane Hawaiian, jazz, lan keroncong, lagi digandrungi déning para pamireng radio lan tivi. Nanging pungkasané Kelly milih musik keroncong minangka musik sing ditelatèni. Kasilé, saka kaprigelané kuwi, dhèwèké terus ditampa makarya ing kantor pos, sinambi nglakoni kagiyatan-kagiyatan kesenian, nggladhen, lan nggulawenthah orkes keroncong kagungané Kodam IV Diponegoro (1961).
Kang kapisan Kelly Puspito ngripta lagu keroncong ya iku nalika dasawarsa 1950-an kanthi sesirah Cincin Tanda Setiamu. Kaya déné para musikus keroncong liyané, dhèwèké ngakoni yèn kapribadèné kalebu romantis lan kadhang kala luwih mentingké rasa tresna marang kagunan tinimbang materi.[5][6].
Miturut Kelly Puspita, musik keroncong kemajoné kang asli saka Indonesia, kawiwitan saka keroncong tugu, musik iki terus lumebu lan ngalami kamajon ing Semarang. Ciri khas musik keroncong gaya Semarangan iki bisa ditengeri saka suarane cello, sing nyata-nyata béda karo gaya Sala, Ngayogyakarta, utawa Surabaya.
Uga delengen[besut | besut sumber]
Rujukan[besut | besut sumber]
- ↑ Suara Edukasi:Kisah Tokoh Kelly Puspito Archived 2015-01-19 at the Wayback Machine. diwaca 20 April 2017
- ↑ Jurnal Unnes:Kelly Puspito Archived 2021-04-10 at the Wayback Machine. diwaca 20 April 2017
- ↑ Unnes:[www.unnes.ac.id Kelly Puspito] diwaca 20 April 2017
- ↑ Citeulike:Kelly Puspito diwaca 20 April 2017
- ↑ Suara Merdeka:Kelly Puspito diwaca 20 April 2017
- ↑ Suara Merdeka:Konser Keroncong Tribute to Kelly Puspito Archived 2015-01-19 at the Wayback Machine. diwaca 20 April 2017
Pranala njaba[besut | besut sumber]
- Jurnal Unnes Archived 2021-04-10 at the Wayback Machine.
- Kisah Tokoh Kelly Puspito Archived 2015-01-19 at the Wayback Machine.
- Kelly Puspito dan Musik Keroncong di Kota Semarang Archived 2015-01-19 at the Wayback Machine.
- Menunggu Janji Manis Sukawi Sutarip