Kawat Untu

Saka Wikipédia Jawa, bauwarna bébas abasa Jawa
Kawat untu

Kawat untu utawa béhel (basa Inggris: dental braces) ya iku alat kang gunané kanggo ngratakaké untu.[1] Miturut jinisé, bracket (bagéyan kang némplék) ing kawat untu nduwèni tujuwan kanggo éstétis utawa kosmétik, ana kang bisa dideleng ana kang ora bisa dideleng.[1] Kawat untu ana kang sifaté permanén tegesé ora bisa dibukak lan dipasang manéh, lan ana uga kang nduwéni sifat bisa dipasang lan dibukak.[1] Carané ya iku, kawat untu ngatur, kanthi nyurung lan nahan obahing untu.[1] Perawatan ortho nduwéni tujuwan supaya fungsi omongan, éstésis rai, lambé, lan rahang, lan yèn ngguyu luwih apik lan katon luwih éndah.[1] Prosés saka sepisanan nganti pas karo standar mbutuhaké wektu kurang luwih telung minggu.[1]

Kawat untu nduwèni fungsi kang apik kanggo éstetis lan kaséhatan.[2] Ananging kawruh masyarakat kang minim ngenani bab dhokter untu bisa nyebabaké masalah.[2] Akèh kasus malpraktik oknum dhokter untu utawa wong kang ngaku nduweni kawruh ing babagan untu.[2] Supaya ora salah milih dhokter untu, Ikatan Ortodontis Indonésia (Ikorti) ménéhi saran kanggo masyarakat supaya ati-ati anggoné milih dhokter.[2] Yén nganti salah lan milih dhoktér ing malpraktik lan ora nduwéni kompeténsi bisa mbebayani tumrap pasien.[2] Ana pathokan supaya ora salah milih dhokter untu.[2] Kang paling gampang, dhokter untu kang bisa masang kawat untu mesti nduweni gelar spesialis ortodontis utawa disingkat SpOrt.[2] Dhokter untu kuduné sekolah manéh nganti 3-4 taun supaya bisa éntuk gelar iki.[2]

Cathetan suku[besut | besut sumber]

  1. ^ a b c d e f hariansumutpos.com(dipunundhuh tanggal 23 Juni 2011)
  2. ^ a b c d e f g h nasional.kompas.com(dipunundhuh tanggal 23 Juni 2011)