Kali Codé

Saka Wikipédia Jawa, bauwarna bébas abasa Jawa
Kali Codé kasawang saka Prawiradirjan
Kahanan Kali Codé lan omah-omah sakiwa-tengené nalika kena awu jeblugané Gunung Kelud ing taun 2014

Kali Codé utawa Kali Boyong (pérangan dhuwur) iku kali ing Daerah Istimewa Yogyakarta sing tuké ana ing pèrèngé Gunung Merapi. Kali iki kapétung wigati tumrapé warga sing urip ing sakiwa-tengené awit banyuné kanggo ing ilèn-ilèné sawah ing Sléman lan Bantul. Polusi dadi masalahé kali iki.[1]

Kali sing nyigar Kutha Yogyakarta iki ing duk nguni wigati tumrap adegé Kraton Mataram ing Yogyakarta.

Amarga sumberé ing gunung geni sing isih aktif, kali iki kerep ngalami banjir wlahar temahané jeblugané Gunung Merapi. Saperlu ngéndhani banjir wlahar mau, pamaréntah kutha wis nggawé talud ing sadawaning pinggiran Kali Codé, lan kala-kala ngayahi pangedhuking dhasaré Kali Codé sarana èkskavator. Ing pinggiré Kali Codé ana pamukiman sing dirancang déning budayawan YB Mangunwijaya, sing diarani Kampung Codé. Kampung Codé iki tau nampa Pangaji-aji Aga Khan[2] ing babagan arsitèktur.

Uga delengen[besut | besut sumber]

Rujukan[besut | besut sumber]

  1. ^ "River Pollution in Yogyakarta Worsens". En.tempo.co. 2014-03-13. Dijupuk 2015-10-07. 
  2. ^ Aga Khan Award

Pranala njaba[besut | besut sumber]