Kali Alabama

Kali Mobile, Alabama, lan Coosa, sajatiné iku siji kali, mung dibédakaké miturut laladan ilèné.

Kali Alabama, ing praja Alabama, Amérikah Sarékat, iku kawangun déning Tallapoosa lan Coosa, kang nyawiji watara 6 mil sakdhuwuré Montgomery.

Kali iki mili mangulon tumuju menyang Selma, banjur mangidul nganti, watara 45 mil (72 km) saka Mobile, lan nggabung karo Tombigbee, dadi Mobile lan Tensaw rivers, lan pungkasané lumebu menyang Pasisir Mobile.

Iliné kali ini akèh mènggak-ménggoké. Ambané watara 200 nganti 300 m, lan jeroné antara 1 nganti 2 m). Dawané kali iki diukur kanthi survé géologi ya iku 502 km, lan kanthi pangukuran steamboat ya iku 676 km.

Kali iki mili ngliwati tlatah tetanèn lan alas ing praja Alabama, lan ril sepur ngubungaké karo tlatah panambangan ing Alabama Lor-tengah.

Kali iki wigati banget tumrap tuwuhing ékonomi ing tlatah iki sajeroning abad angka 19 minangka sarana transportasi barang. Kali iki isih dipigunakaké kanggo ngangkud kasil tetanèn nanging ora pati wigati kaya jaman biyèn marga anané jaringan dalan lan ril sepur. Kali Alabama, Coosa, lan Tallapoosa minangka papan dunungé suku Indian Creek sadurungé dipindhahaké ing wiwitan abad angka 19.

Pranala njaba

Allrefer.com
Alabamamilebymile.com^{[pranala mati permanèn]} Fitur lan pta online Kali Alabama. (Dead link 2007-04-28)

Gladri

Claiborne Lock lan Dam ing Kali Alabama, kira-kira 8 km saka Claiborne, Monroe County, Alabama
Robert F. Henry Lock lan Dam ing Kali Alabama, watara 24 km sisih wétan Selma, Alabama
Millers Ferry Lock lan Dam ing Kali Alabama ing Wilcox County, Alabama, watara 15 km lor-kulon Camden