KH Zaenurrahman Arrahili

Saka Wikipédia Jawa, bauwarna mardika basa Jawa

KH Zaenurrahman Arrahili inggih punika sosok Kiai ingkang aslinipun saking Sekuping Jepara. KH Zaenurrahman Arrahili akrab dipunsebat Mbah Zein. Mbah Zein inggih punika pengasuh Pondok Pesantren Gubuk Sekupuing Bani Rasul ingkang mapan wonten sak loré Stasiun Purwokerto. Yuswanipun Mbah Zein sampun 80 taun. Mbah Zein minangka salah satunggaling sosok karismatik wonten ing Banyumas. Mbah Zein asring dipun samabangi kaliyan tokoh saking sedaya kalangan masarakat. Kaprigelan anggenipun sesrawungan, lan sifat ingkang mboten mbeda-bedakaken ndadosaken Mbah Zein dipunremeni sinten kemawon.

Khususipun nalika ajang Pilkada utawa Pileg. Para Politisi saking pundi kemawon sowan nyuwun pandongané saking Mbah Zein. Saking pulitisi tataran Kabupatèn Banyumas dugi Cagub lan Cawagub Jawa Tengah.

Mbah Zein inggih punika salah satunggaling murid saking Mbah Bisri Mustofa (Ramanipun Gus Mus). Mbah Zein nggadahi kaprigelan nyerat sastra sarta syair-syair ngginakaken basa Arab lan Jawa. Mbah Zein ngasta kajian Tafsir Ibris lan Ihya Ulummaddin ingkang rutin saben dinten Ahad Enjing.

Mbah Zein maringi piwulang babagan Qona'ah, supados mboten kakean sambat anggenipun nagdepi pagesangan ing alam donya. Mbah Zein nagajak santrinipun supados urip kanthi prasaja lan nrima menapa kemawon ingkang sampun wonten.[1]

Rujukan[besut | besut sumber]

  1. Muhammad Faizin (20 Maret 2018). "Mbah Zein, Kiai Sederhana penuh Talenta".