John Milton
| John Milton | |||||||||
|---|---|---|---|---|---|---|---|---|---|
 Potret Milton, u. 1629 | |||||||||
| Lair | 9 Dhésèmber 1608 Bread Street, Cheapside, London, England | ||||||||
| Pati | 8 Novèmber 1674 (umur 65) Bunhill Row, London, England | ||||||||
| St Giles-without-Cripplegate | |||||||||
| Alma mater | Christ's College, Cambridge | ||||||||
| Pakaryan |
| ||||||||
| Bojo |
| ||||||||
| Anak | 5 | ||||||||
| |||||||||
| Tandha tangan | |||||||||
 | |||||||||
John Milton (9 Desember 1608 - 8 November 1674) inggih punika sastrawan lan intelektual Inggris ingkang kawentar. Wonten ing taun 1667, piyambakipun nyerat Paradise Lost, sajak epik ingkang dipunserat wonten ing sepuluh buku lan ngangge gatra tanpa rima, ing masa ingkang wonten gegeran agami lan politik ingkang ageng. Paradise Lost nyerat babagan labuhing manungsa, kanthi fokus dhateng godhaan Adam lan Hawa dening Setan lan pengusiranipun saking Taman Eden dening Gusti Allah. Karya punika nambahi darajat Milton minangka salah satunggaling sastrawan Inggris paling misuwur.[1][2] Milton ugi damel minangka abdi dalem kangge Commonwealth Inggris, ngabdi ing sangajenging Dewan Negara lan Oliver Cromwell, lan nampi pangaken wonten ing jamanipun, kanthi kawentar amargi Areopagitica (1644), argumentasi kuat nglawan sensor pra-penerbitan lan ingkang ndhukung kabebasan bicara lan pers. Semangatipun kangge kabebasan ugi katingal wonten ing gaya nulisipun, kanthi khusus wonten ing pengenalan tembung-tembung anyar dhateng basa Inggris, ingkang asalipun saking Latin lan Yunani Kuno. Milton inggih punika panulis modern kapisan ingkang ngangge sajak tanpa rima ing luar teater utawi terjemahan.
William Hayley, ingkang dados biografer piyambak, nggambaraken Milton minangka pengarang Inggris paling agung,[3][4] lan saestu kala samanten ngantos dumugi sapunika, Milton taksih kalebet salah satunggaling penulis paling unggul ing basa Inggris, sanadyan pandangan dhumateng piyambakipun sampun ngalami owah-owahan wonten ing wekdal, ingkang asring amargi saking pandangan republikanipun.[5] Samuel Johnson ngalembana Paradise Lost minangka puisi paling agung miturut desain lan nomer kalih ing babagan eksekusi antawis karyan manungsa, nanging ingkang sami Johnson ugi nyela pandangan politik Milton minangka pandanganipun republikan ingkang pait lan kasar. Sanesipun punika, para pujangga kados ta William Blake, William Wordsworth, lan Thomas Hardy, ngajeng-ajengi Milton kanthi dhuwur.
Sitiran[besut | besut sumber]
- ↑ "John Milton". Poetry Foundation. 19 April 2018.
- ↑ Rogers, John. "Paradise Lost, Book I". YouTube. Diarsip saka asliné ing 2021-10-30.
- ↑ McCalman, Iain. et al., An Oxford Companion to the Romantic Age: British Culture, 1776–1832. Oxford: Oxford University Press, 2001.
- ↑ Contemporary Literary Criticism. "Milton, John – Introduction" Archived 1 December 2009 at the Wayback Machine..
- ↑ Murphy, Arthur (1837). The Works of Samuel Johnson, LL. D.: An essay on the life and genius of Samuel Johnson. New York, NY: George Dearborn.