Jipsin

Saka Wikipédia Jawa, bauwarna bébas abasa Jawa
Jipsin
Jeneng Koréa
Hangul 짚신
Alihaksara sing Disampurnakaké jipsin
McCune–Reischauer chipsin

Jipsin (짚신) ya iku jinis sandhal tradhisional Koréa kang digawé saka dami.[1][2] Tembung jipsin uga kanggo ngarani sandhal tradhisional kang digawé saka kain lan rami.[1] Jipsin iku sandhal sing kalebu ing jinis yi (이, ) utawa jinis sandhal kang cendhak.[3] Jenengé sandhal iki ana manéka werna gumantung saka bakal kang dianggo, kayata samsin, wanggolsin, cheongol jisin, lan budeulsin.[3] Sandhal jipsin wis dianggo wong Koréa udakara kawit jaman Kraton Telu (37 SM - 668 M).[1] Ing pirang-pirang lukisan kuna, kerep digambaraké sawijining wong lelana kang lelungan nggantungaké sandhal daminé nyang gegeré.[1] Ing mangsa Dinasti Joséon (1397-1910) akèh kawula nganggo jipsin minangka tatakan sikil saben dinané.[1] Ing mangsa iku, kawula Koréa akèh kang nyambut gawé minangka tani, mula dami kanggo nggawé jipsin gampang ditemokaké.[1] Adaté wong-wong mau gawé jipsin ing mangsa atis, nalika ora lunga tegal saperlu nandur.[1]

Ing panggawéné, pérangan tatakan dirajut luwih dhisik, banjur pinggirané.[1] Jipsin digawé rada longgar lan nutupi pérangan driji tekan tengahing sikilé wong kang nganggo.[1]

Cathetan suku[besut | besut sumber]

  1. ^ a b c d e f g h i An Illustrated Guide to Korean Culture - 233 traditional key words. Seoul: Hakgojae Publishing Co. 2002. kk. 136–134. ISBN 89-8546-98-1 Priksa gandra |isbn= (pitulung). 
  2. ^ (en)Jipsin, Korean straw shoes, joongangdaily. Diundhuh tanggal 10 Juni 2010.
  3. ^ a b "짚신" (ing Korean). Empas / EncyKorea. 


Sumber artikel punika saking kaca situs web: "https://jv.wikipedia.org/w/index.php?title=Jipsin&oldid=988082"