Jatim Park

Jatim Park
*Jawa Timur Park*
Jatim Park Jawa Timur Park
	East Java Park, Batu, Malang.jpg
Dumunung ing tlatah	Jl. Kartika No.2, Kota Batu, Malang, Jawa Timur
Situs web	www.jtp.id
Direktur	PT. Bunga Wangsa Sedjati
Kabukak	2001
Musim operasi	setiap hari
Jembar	22 ha (54 acres)
Wahana	Jumlah 53;
Slogan	"Wisata edukasi keluarga masa kini"

Jatim Park utawa taman wisata Jawa Wétan ya iku sawijining papan plesir lan bisa didadèkaké papan pasinaon kang dumunung ing Kutha Batu, Jawa Wétan. Papan wisata iki ana ing sawatara 20 kilomèter ing kuloné Kutha Malang, lan saiki dadi salah sawijining ikon pariwisata ing Jawa Wétan. Papan wisata iki duwèni 36 tontonan, kalebu kolam renang gedhé (kanthi latar buri reca Kèn Dèdès, Kèn Arok, lan Mpu Gandring), gerbong muter, lan zona gulung. Wahana pawiyatan kang dadi punjer kawigatèn ya iku Volcano lan Galèri Nuswantara kang uga duwèni tetanduran agro, diorama kéwan langka, lan rékan bangunan candhi-candhi. Jatim Park 1 dumunung ing Dalan Antartika Nomer 2, kang cedhak karo Klub Bunga.

Jatim Park 1 didadèkaké minangka pamenang nomer siji ngenani wisata gawéan utawa rékan kanthi gunggung kang gedhé ing tingkat nasional. Pangaji iki dianugerahaké déning Menteri Pariwisata lan Ékonomi Kréatif, Mari Élka Pangèstu rikala dina Jumat, 27 Sèptèmber 2013 ing Jakarta. Dhèwèké medharaké rasa ora nyana menawa Kutha Wisata Batu iku éndah banget. Mari Élka Pangéstu ing Klub Bunga sajroning adicara Galladinner karo Muspida Malang Raya uga ngandharaké menawa masarakat kepéngin wisata ora perlu menyang Disnéyland, Ancol, cukup ing Batu waé.

Jatim Park 2

Rada béda karo Jatim Park 1 kang luwih ditujokaké minangka taman plesir lan palipur, Jatim Park 2 luwih ditujokaké minangka papan sinau saliyané papan plesir. Jatim Park 2 duwèni underan sinau ngélmu alam, biologi, lan pamulangan babagan kéwan-kéwan kang ditontonaké kanthi latar buri magepokan karo papan panggonan asalé. Jawa Timur Park 2 diyasa ing dhaérah Malang Jatim Park 2 lan kalebu Muséum Margasatwa, Batu Secret Zoo lan Pohon Inn Hotèl. Rega karcis Jatim Park 2 kira-kira Rp 65.000 ing dina Senèn nganti Kemis, lan Rp 90.000 ing dina Jumuwah nganti Minggu. Jatim Park 2 iki dumunung ing Dalan Ara Ara Amba Nomer 9, kang cedhak karo Batu Night Spectacular.

Jatim Park 3

Saka wahana sadurungé, ya iku Jatim Park 1, kang ana papan lan piranti dolanan, kawruh, lan palipur, sarta Jatim Park 2 kanthi kaéndahan saka Muséum Satwa lan Secret Zoo. Kajaba saka iku, wis ana wahana anyar maneh ya iku Jatim Park 3. Jatim Park saiki wis nyedyani wahana kang narik kawigatèn arupa rékan Dinosaurus kang bakal katemokaké ing Jatim Park 3 iki.

Jatim Park 3 mapan ana ing Désa Beji, Kecamatan Junrejo, Kutha Batu. Papan iki gampang ditemokaké amarga mapan ana ing kiwané dalan gedhé yèn teka saka arah Malang. Jatim Park 3 duwèni underan taman dolanan lan sinau ngenani kéwan-kéwan purbakala kalebu Dinosaurus. Ora amung rékan Dinosaurus, para plancong uga bisa ndelok-ndelok limang jaman kuna déning pangreksa Jatim Park 3. Para plancong bakal ndelok kauripan ing jaman Dinosaurus, wiwit anané tumeka jaman sawisé Dinosaurus mati. Marang bocah-bocah, nom-noman, lan wong diwasa bakal kasuguhi kawruh ngenani dinosaurus ing donya. Dinosaurus iki urip sawatara 200 yuta taun kepungkur kang kapérang dadi limang jaman yaiku jaman Permian, Triassic, Jurassic, Cretaceous, lan Ice Age kang dadi jaman matiné Dinosaurus amarga kahanan kang èkstrim lan beku. Saliyané papan wisata Dino Park [Muséum Dino, The Rimba, 5 Zaman, Live with Dino], Jatim Park 3 uga ana wahana liya kaya ta Jembatan Oyod, 6D Animasi, Jurrasic Action, Ice Age, lan rékan dinosaurus kang bisa obah lan nywara.

Sawisé mubeng-mubeng, menawa para plancong ngrasa ngelak lan luwé bisa mara ing warung kang wus disedyani déning pihak Taman Wisata Dinosaurus Jatim Park 3. Warung-warung iki nyedyani manéka masakan tradhisional, Eropa, jajanan cilik-cilik, lan ombènan. Ana manèh Galèri Musik Dunia lan Fun Tèch Plaza kang nawakaké puluhan dolanan kanthi tèknologi anyar.

Tinimbang Jatim Park liyané, Jatim Park 3 iki duwèni prasarana kang luwih ganep. Yèn Jatim Park 1 ana Hotel Pondok lan Jatim Park 2 ana Pohon Inn Hotèl, Jatim Park 3 iki bakal kaganepi kanthi Hotèl lan Apartemèn kanggo nyenengaké para plancong. Ora amung minangka papan palipur lan pasinaon, Dino Park Malang iki uga duwèni punjering pasar lan mall kang gedhé. Kajaba saka iku, dhaérah iki uga duwèni manéka warna panganan kang pepak. Anane kabèh sarana kang wis disedyani déning pihak taman wisata nyebabake akeh plancong kang padha dolan saperlu plesir lan sinau ing papan iki.

Pranala njaba