Jang Seung-eop

Saka Wikipédia Jawa, bauwarna bébas abasa Jawa
Ssangma inmuldo, lukisan karya Owon.

Jang Seung-eop (1843-1897) utawa Owon ya iku sawijining juru lukis kang asalé saka Wangsa Joseon, Koréa.[1] Jang kang luwih kondhang kanthi jeneng pena Owon minangka salah siji saka 4 juru lukis Koréa saliyané Kim Hong-do, Jeong-seon lan An Gyeon.[1] Jang Seung-eop minangka juru lukis kang kondhang ngenani dalan uripé kang èksèntrik.[1]

Jang ya iku anak yatim kang mlarat, nanging kanthi tetulunge Yi Eung-heon, sawijining punggawa pura kang nemokaké bakat panglukisé, Jang bisa ngsokake kaprigelané ing babagan lukis.[1] Amarga senengané mendem ombèn-ombèn, dhèwèké kerep éntuk masalah.[1][2]

Bakat panglukisé dingertèni déning Raja Gojong lan dhèwèké dikongkon supaya nglukis sekat ruwangan kang kasusun saka 10 panèl.[1] Nanging amarga senengané mendem, dhèwèké nyepelekake tugas mau lan pungkasané diwènèhi ukuman abot.[1] Sawijining mantri kanthi aran Min Yeong-hwan (1861-1905) nulung Jang lan jaluk ratu supaya mènèhi kalodhangan sapisan manèh marang dhéwéke.[1] Sawisé rampung nglukis lan nampa bayaran, Jang lunga ana kedai ombènan lan ngentèkaké kabèh bayarané.[1] Jang Seung-eop dianggep nglukis lukisan kang paling éndah nalika lagi mendem lan diubengi déning wanita-wanita ayu kang ngesokaké ombèn-ombènane mau.[1] Uripe kang entèng tanpa beban ndadekake dhèwèké ora mikirake kadonyan kaya ta kekuwasaan, pamor, kabegjan lan asil karyane dhéwé saéngga lukisane duweni nile artistik murni lan alami.[1] Jang Seung-eop séda ing taun 1897 nalika umur 55 taun amarga penyebab kang ora dingertèni.[1]

Kutipan misuwur[besut | besut sumber]

   
Jang Seung-eop
Lair lan pati kaya awan-awan kang mabur, mula ing kono kang paling apik kanggo golèk papan panggonan kang éndah kanggo delik. Apa gunané oyok-oyokan lelaran, pati, lan panguburan?
   
Jang Seung-eop

Cathetan suku[besut | besut sumber]

  1. ^ a b c d e f g h i j k l Kun, Moon-sik (2001). "Jang Seung-eop,the Joseon Dynasty's Last Great Painter" (PDF). Koréana 15.  Paramèter |month= sing ora kawruhan dikiwakaké (pitulung)
  2. ^ Lee, Ku-Yol (1979). "Chang Sung-op, An Illiterate Master Craftsman". Koréa Journal 19.  Paramèter |month= sing ora kawruhan dikiwakaké (pitulung)


 
Papat Pelukis Misuwur Dinasti Joseon
Jeong Seon-Soyo.jeong.jpg
Kim Hong-do | Jeong Seon | An Gyeon | Jang Seung-eop


Sumber artikel punika saking kaca situs web: "https://jv.wikipedia.org/w/index.php?title=Jang_Seung-eop&oldid=1106553"