Jane Carter Goodale

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Jane Carter Goodale ya iku ahli antropologi wanita saka Boston, Massachusetts, Amérikah Sarékat, kalairan 18 Mei 1926[1][2]. Jane olèh pandhidhikan pawiyatan luhur saka Radcliffe College (BA) taun 1948 lan MA taun 1951. Sabanjuré ana ing Ph.D. saka University of Pennsylvania (Ph.D.) taun 1959[3]. Panlitian lapangan antropologis kang linakonan Jane ya iku ana ing Arizona taun 1950, Australia lor taun 1954, 1962, 1981, lan Papua Nugini taun 1962, 1963, 1967, lan 1974[1]. Karya-karya akademis kang sinerat déning Jane ya iku antarané Tiwi Wives: A Study of the Women of Melville Island, North Australia (taun 1971), The Tiwi of North Australia, sinerat bareng karo Hart lan Pilling taun 1988, To Sing with Pigs is Human: Concepts of Person in Papua New Guinea (taun 995), lan The Two-Party Line: Conversations in the Field (taun 1995)[1]. Jane iki kawentar amarga pisumbangané ing bab model panlitian ètnografi populer, organisasi sosial lan konsèp lintas budhaya humanis[1][3].

Rujukan[besut | besut sumber]

  1. a b c d Amit, Vered, (ed) (2004). Biographical dictionary of social and cultural anthropology. London: Routledge. kk. 281–282. ISBN 020364459X. OCLC 436848672. 
  2. "Goodale, Jane C. (Jane Carter) (1926-) - People and organisations". Trove (ing basa Inggris). Dijupuk 2018-01-13. 
  3. a b "Jane Goodale Obituary - Bedford, Massachusetts - Concord Funeral Home". concordfuneral.tributes.com (ing basa Inggris). Dijupuk 2018-01-13.