Jalaluddin Rumi

Saka Wikipédia Jawa, bauwarna bébas abasa Jawa

Maulana Jalaluddin Rumi Muhammad bin Hasin al Khattabi al-Bakri (Jalaluddin Rumi) misuwur kanthi asma Rumi inggih punika salah satunggalipun penyair sufi ingkang miyos taun 604 Hijriah, utawi 30 September 1207 ing Balkh, Afganistan.[1] Rumi nggadhahi asma jangkep Jalaluddin Muhammad bin Muhammad al-Balkhi al-Qunuwi.[1] Panjenenganipun punika putranipun Bahauddin Walad, satunggalipun ulama lan mistikus ingkang misuwur, ingkang dipunurak saking Kota Balkh nalika Rumi yuswanipun taksih 12 taun.[1] Panjenenganipun lan kulawarganipun dipunurak amargi benten pamanggihan kaliyan Sultan.[1]

Jalaluddin Rumi punika boten namung penyair nanging ugi satunggalipun tokoh sufi ingkang kagungan pangaribawa (prabawa) ageng ing wekdal jamanipun.[1] Rumi ugi dados guru nomer satunggal Thariqat Maulawiyah, satunggalipun tarekat ing Turki lan wewengkon sakiwatengenipun.[1] Tarekat punika gadhah pangaribawa ingkang ageng tumraping Istana Turki Utsmani lan kalangan seniman.[1]

Pranala njawi[besut | besut sumber]

Cathetan suku[besut | besut sumber]

  1. ^ a b c d e f g (id)Hendrawan, Iwan. (2009). Mengenal Penyair Dunia dan Indonesia. Jakarta Barat: Musi Perkasa Utama PT
Sumber artikel punika saking kaca situs web: "https://jv.wikipedia.org/w/index.php?title=Jalaluddin_Rumi&oldid=1089202"