Iskandar

Iskandar (lair ning Palembang, 28 Agustus 1973) dhéwéké yaiku pelatih tim LKG-SKF Indonesia. Iskandar mulai sinau babagan bal-balan awit saka umur sepuluh tahun lan melu sekolah sepak bola utawa SSB Pusri Yunior pas isih jaman sekolah menengah pertama (SMP). Karier bal-balané diwiwiti pas dhéwéké lulus SMP. Dhéwéké melu seleksi timnas U-19 (Tim Nasional Under-19) ing tahun 1989. Jaman semana, timnas isih dilatih karo Yoseph Masopust teko Ceko ning Pusdiiklat Cibubur, setahun suwéné.

Sak rampunge melu timnas Indonesia ning Piala Asia U-19 ning Jakarta taun 1990, dhéwéké melu gabung karo klub Herkules banjur gabung karo Persija Jakarta ing tahun 1992-1996. Iskandar kui isih sakleting karo I Komang Putra lan Sasi Kirono. Ning Persija Jakarta, pondasi utawa dhasaran bal-balané dikuatné karo arahan lan bimbingane para senior, kaya ta Patar Tambunan, Marzuki Nyak Mad, lan Bambang Nurdiansyah.

Sakbanjure saka Persija Jakarta, Iskandar sering lan ajeg pindah-pindah klub bal-balan, saka Semen Padang, Persib Bandung, PSMS Medan, sampék nang Persitara Jakarta Utara. Ning Persitara Jakarta Utara, Iskandar mulai njajal dadi pelatih ingkang kapisanan, yaiku dhéwéké ngelatih Persitara Jakarta Utara U-21 ning tahun 2009. Pas wes mantep dadi pelatih, Iskandar uga asring pindah-pindah utawa gonta-ganti klub lan SSB (sekolah sepak bola). Iskandar tau ngelatih ASIOP Apacinti, uga tau dadi asisten pelatih ning Perserang, PS Polri, sampék SSB Frenz ning Malaysia.

Iskandar uga salah sijine “oknum” bal-balan sing mèlu ndukung supaya pelatih sekolah sepak bola utawa SSB diregani utawa luwih dikurmati.  Dhéwéké nate ngendikan ing basa Indonesia “Sebenarnya saya suka melatih remaja karena mereka patuh dan penuh keinginan membuktikan diri. Namun, saya juga ingin mendapatkan lisensi A AFC agar dapat melatih klub Liga 1. Pelatih SSB seharusnya juga dihargai seperti pelatih professional karena mereka yang membangun fondasi bagi pemain sebelum menjadi professional,”.

Pawiyatan

• SD Taman Siswa (lulus 1986).
• SMP Yakta Pena Palembang (lulus 1989).
• SMA Ragunan Jakarta (lulus 1992).

Pengalaman dadi pemain bal

• Persija Jakarta. Ing tahun 1992-1996
• Semen Padang. Ing tahun 1996-1997
• Persib Bandung. Ing tahun 1997-1998
• Perserang Serang. Ing tahun 2000
• Persikota Tanggerang. Ing tahun 2001-2003
• Perserang Serang. Ing tahun 2003-2004
• PSMS Medan. Ing tahun 2004-2005
• Persipasi Bekasi. Ing tahun 2005
• Persik Kuningan. Ing tahun 2006
• Perserang Serang. Ing tahun 2007
• Persitara Jakarta Utara. Ing tahun 2008-2009

Pengalaman dadi pelatih

• Persitara Jakarta Utara U-21 ing tahun 2009
• ASIOP Apacinti ing tahun 2011-2012
• Tim Yamaha DKI ing tahun 2012
• SSB Frenz Malaysia ing tahun 2012-2014
• Tim Porprov Banten ing tahun 2014
• Asisten pelatih Perserang ing tahun 2014-2015
• Asisten pelatih PS Polri ing tahun 2015
• Perserang ing tahun 2016
• Tim Porda Bogor ing tahun 2017
• SSB Matador Mekarsari ing tahun 2017-2018

Lisensi kepelatihan

Iskandar "dianggep" wis sah dadi sabanjuré oleh lisensi C Nasional saking PSSI ing tahun 2009, lan ning tahun 2015 dhéwéké uga oleh lisensi kepelatihan C AFC.

Metode nglatih

Lagi wae Iskandar dipercaya dadi pelatih tim Liga Kompas Gramedia (LKG) lan diwenehi kontrak suwene sangang sasi. Iskandar dipercaya dikon milih pemain sing bakal ngewakili tim Liga Kompas Gramedia utawa LKG ning Piala Gothia U-15 sing diadakne ning Swèdhen. Awalé Iskandar lan wong pilihan saka tim Liga Kompas Gramedia mulai nyéléksi banjur bisa ngumpulaké 44 pemain. Saka petang puluh papat pemain iku mau bakal nglakoni latihan sing mempeng lan ajég. Iskandar lan wong pilihan saka tim Liga Kompas Gramedia uga bakal ngadakaké latihan tanding utawa “sparing”, kegiatan kasebut dadi salah siji cara agawé niliki kemampuan lan karakter para kandidat pemain sing bakal main ning Piala Gotia U-15 ning Swèdhen.

Pemain sing ora disiplin, gampang nyerah, ora nduwé karakter, attitude utawa sikapé élék, pemain sing seneng golék penaké utawa gak gelem ndek posisi sing angel, bakal dicorét karo Iskandar lan wong-wong pilihan saka tim Liga Kompas Gramedia utawa LKG. Masia ngunu, seleksi pemain isih dawa. Iskandar lan kanca-kancane ganti nyeleksi pemain lewat kemampuan teknik, stamina, semangaté, lan visi bermain saka saben pemain iku mau. Saka 44 pemain, Iskandar sing diréwangi kanca-kancané gur milih utawa nyisakake 18 pemain. Lha 18 pemain kui sing bakalan ngewakili tim Liga Kompas Gramedia utawa LKG ning Piala Gotia U-15 ning Swèdhen.

Iskandar kudu ulet lan sabar gawé ndadékaké pemain-pemain sing kepilih iku mau bisa dadi siji masia dhéwéké kabéh asalé saka SSB sing beda-beda. Salah siji carané Iskandar mudunke ego saben pemain yaiku masangaké saben pemain teka SSB sing beda-beda. Pemain-pemain kui mau dicampur teka SSB sing beda-beda lan dilatih miturut “gaya kepelatihan” coach Iskandar.

Iskandar termasuk pelatih sing gumati karo siswa-siswané. Iskandar yo ora sungkan ngwénéhi semangat lan wéjangan-wéjangan gawé anak didiké. Amarga Iskandar nduwé pikiran yen ndadékaké pemain-pemain sing beda asal-usulé supaya dadi siji yaiku faktor penting gawe mbentuk tim sing solid.

Sakbanjuré ngunu, Iskandar mulai “nandur” filosofi mainé bal versine dhéwéké marang anak didiké. “Filosofi permainan saya adalah kita harus menguasai bola dan menyerang untuk mencetak gol setiap ada kesempatan,” ujaré Iskandar. Amarga filosofi kui mau, tim LKG nduwéni “karakter bermain” lewat bal-bal cedhak, pengaturan tempo, ngroyok bal, lan “mempertahankan” bola sing apik lan cermat. Sakliyané iskandar ngelatih teknikan, dhéwéké uga ajeg ngélingké anak didiké supaya tansah rendah diri lan ora sombong. Masia anak didiké nduwé bakat tapi yén ora nduwé atitude sing apik, ya ora bakal dimainké. Kabéh iku mau carane Iskandar ndidik siswa-siswané supaya dadi pemain sing ora gur apik skill-e tapi ya attitude-ne barang.