Henk Driessen

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Henk Driessen ya iku ahli antropologi kalairan Venlo, Walanda, taun 1950[1]. Henk naté olèh pandhidhikan ing Nijmegen, Walanda ing tingkat MA taun 1976 lan Ph.D. taun 1981[2]. Dhéwéké naté nglakoni panlitian antropologis ing Provinsi Cordoba Spanyol (1974, 1977), Melilla Spanyol, Maroko (1984), Tarifa, Ceuta Spanyol, lan Tangier Maroko (taun 1992, 1993, 1997, 2000)[2]. Karya-karya akademis kang wis tinulis déning dhèwèké ya iku antarané ‘Male sociability and rituals of masculinity in rural Andalusia’ ana ing jurnal Anthropological Quarterly (1983) lan On the Spanish-Moroccan Frontier (1992)[1]. Panlitiané ana ing sekubengé selat Gibraltar. Fokus panlitiané iku bab antropologi maskulinitas. Ing Spanyol, dhèwèké nglakoni observasi partisipasi ing kajina hipermaskunilitas ing bar Spanyol kidul[1]. Dhéwéké uga nulis monograf bab kutha Melilla, kantong wewengkon Spanyol ing Afrika Lor, Moroko[1].

Rujukan[besut | besut sumber]

  1. a b c d Amit, Vered, (ed) (2004). Biographical Dictionary of Social and Cultural Anthropology. London: Routledge. p. 181. ISBN 020364459X. OCLC 436848672.CS1 maint: extra text: authors list (link) CS1 maint: date and year (link)
  2. a b "Prof.dr. H.G.G.M. (Henk) Driessen (https://www.narcis.nl)". www.narcis.nl (in Walanda). Retrieved 2017-12-28.