Hatikvah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Hatikvah iku lagu kabangsané Israel. Tembung Ibrani iki tegesé sacara harfiah utawa lèterlek iku "Pangarepan". Lirik Hatikvah dianggit déning Naphtali Herz Imber (1856-1909) ing Jassy taun 1878. Dhèwèké asalé saka Galisia (saiki ing Polandia, Rumania lan Ukraina). Nalika Proklamasi Kamardikan Israèl ing taun 1948, lagu iki didadèkaké lagu kabangsan Israèl sacara ora resmi.


Sajarah[sunting | sunting sumber]

Lirik[sunting | sunting sumber]

Tèks lagu Hatikvah ditulis déning sawijining pujangga Yahudi Naphtali Herz Imber ing taun 1878 sing asalé saka Zolochiv, Galisia, saiki ing Ukraina. Tèksé iku kawangun saka sangang pupuh lan judhulé Tikvateynu serta tegesé "Pangarep kita". Ing tembang iki Imber nganggit panemuné lan pangrasané sawisé Petah Tikva, diadegaké. Petah Tikva iku salah sawijining pamukiman Yahudi kapisan sing diadegaké ing Palestina Ottoman.

Lelagon iki dibabar sapisané ing buku Imber sing nduwèni irah-irahan Barkai ("Lintang Ésuk"). Sawisé iku tembang iki diangkat dadi laguné Hovevei Zion lan sabanjuré laguné Gerakan Zionis nalika ing Kongres Kapisan Zionis ing taun 1897. Tèks tembang iki banjur diowahi déning pedunungé Rishon LeZion lan sawisé iku uga isih bola-bali diowahi manèh.

Aransemèn déning Shmuel Cohen ing taun 1888 iku mbokmenawa adhedhasar sawijining lagu rakyat Romania sing dhèwèké tau krungu nalika isih cilik ing Romania, mbokmenawa lagu Carul cu boi ("Gerobak Sapi") utawa Cucuruz cu frunza-n sus ("Jagung mawa godhong tegak").

Sadurungé pangadegé Negara Israèl[sunting | sunting sumber]

Pamaréntah Mandat Britania naté nglarang pagelaran umum lagu iki ing taun 1919 déné tumuwuhé aktivitas anti-Zionis sing dilakoni déning wong Arab.

Sawijining manten anggota Sonderkommando lapor menawa lagu iki dinyanyèkaké sacara spontan déning wong-wong Yahudi Céko sadurungé mlebu kamar gas ing kamp konsentrasi Auschwitz-Birkenau ing taun 1944. Nalika nyanyi lagu iki, wong-wong iki dipulasara déning para anggota Waffen SS.

Diangkat minangka lagu kabangsan[sunting | sunting sumber]

Nalika negara Israèl diadegaké ing taun 1948, Hatikvah diproklamasèkaké sacara ora resmi minangka lagu kabangsan. Nanging lagu iki ora dadi lagu kabangsan sacara resmi nganti November 2004, nalika Knesset utawa parlemèn Israèl netepaké amandemèn ing Undhang-Undhang Gendéra lan Lambang. Sawisé iku undhang-undhang iki diarani Undhang-Undhang Gendéra, Lambang lan Lagu Kabangsan.

Tèks[sunting | sunting sumber]

Ing ngisor iki kapacak tèks resmi lagu kabangsan Israèl.

Tèks Ibrani Alih aksara Alih basa
כל עוד בלבב פנימה Kol `od balevav P'nimah Adoh ing sajroning tyas,
נפש יהודי הומיה, Nefesh Yehudi homiyah, jiwané Wong Yahudi adreng mahyun,
ולפאתי מזרח קדימה Ulfa'atey mizrach kadimah lan nganti cakrawala wétan,
עין לציון צופיה Ayin l'tzion tzofiyah. mata tetep ndeleng Zion,
עוד לא אבדה תקותנו, Od lo avdah tikvatenu Nanging pangarepan kita ora ilang,
התקוה בת שנות אלפים, Hatikvah bat shnot alpayim: Pangarepan rong èwu taun lawasé,
להיות עםחופשיבארצנו Li'hyot am chofshi b'artzenu Dadi wong mardika ing tanahé dhéwé,
ארץ ציון וירושלים. Eretz Tzion v'Yerushalayim. Tanah Zion lan Yerusalem.

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Hatikvah&oldid=812377"