Naphtali Herz Imber

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Naphtali Herz Imber

Naphtali Herz Imber (Ibrani: נפתלי הרץ אימבר‎) utawa ditepungi minangka Naphtali Tzvi Imber, Naphtali Zvi Imber, Naphtali Hertz Imber utawa Naphtali Hirsch Imber (lair 1856 – tilar donya 8 Oktober 1909) iku sawijining pujangga Yahudi lan tokoh Zionis sing nulis lirik Hatikvah, lagu kabangsan Israèl.[1]

Naphtali lair ing Złoczów (saiki Zolochiv, Ukraina), sawijining kutha ing Galisia, Kakaisaran Austria. Dhèwèké wiwit nulis tembang nalika umuré 10 taun lan sawetara taun sawisé olèh pangargyan saka Kaisar Franz Josef kanggo sawijining tembang sing mèngeti satus taun anèksasi Bukovina déning Kakaisaran Austria. Nalika anom dhèwèké naté ngubengi Hongaria, Serbia, lan Rumania.

Ing taun 1882 Imber hijrah menyang Palèstina minangka sekretarisé Sir Laurence Oliphant. Ing 1886 ing Yérusalem, dhèwèké mbabar bukuné sing isiné tetembangan lan ajudhul Lintang Ésuk (Ibrani: ברקאי, Barkai‎). Salah sawijining tembang ing bukuné judhulé Tikvateinu ("Pangarepan Kita"); vèrsi kapisané dibabar ing taun 1877 ing Iaşi, Rumania. Tembang iki banjur dadi lirik lagu kabangsané Zionisme lan mbésuk bakal dadi lagu kabangsan Israèl minangka Hatikvah.

Imber tilar donya in 1909 ing New York déné alkoholisme. Jisimé banjur diboyong menyang Israèl lan disarèkaké manèh ing Yérusalem ing taun 1953.

Cathetan suku[sunting | sunting sumber]