George P. Murdock
| George Peter Murdock | |
|---|---|
| Lair | May 11, 1897 Meriden, Connecticut |
| Pati | Maret 29, 1985 (umur 87) Devon, Pennsylvania |
| Warga nagara | Amérikah Sarékat |
| Kondhang ing | cross-cultural studies; Human Relations Area Files |
| Bebungah | Viking Fund Medal (1949) |
| Karièr ngèlmiah | |
| Babagan | Antropologi |
| Juru pamrayogya dhoktoral | Albert Galloway Keller |
George Peter Murdock ya iku sawiji ahli antropologi saka Amérikah Sarékat kang duwé jasa utawa sumbangan ing pangembangan mètode-mètode lintas budaya (cross-cultural)[1][2]. Sanajan ahli antropologi liyané uga ngembangké mètode lintas budaya nanging Murdock kang paling siap lan nggarap mètode iki. Minangkan sarjana antropologi Amérika, Murdock pernah dadi murid bimbingané Franz Boas[2]. Panlitian lapangané (field work) iku ing suku bangsa Haida ing pulo Vancouver ing kuloné Kanadha, kapuluan Truck ing Mikronésia lan Afrika Kulon. Perhatiané ing mètode lintas budaya iki timbul amarga inspirasi saka karangan Tylor, On a Method of Investigating the Development of Institutions taun 1889. Kasil pertama saka panyelidikan cross-cultural sing Murdock ya iku sawiki panyelidikan marang unsur-unsur sistem krabatan (kinship system) ana ing 250 kabudayan kang dijupuk bahané saka Human Relations Area File. Dadi Murdock uga nganggo kajian pustaka ètnografi kang nliti mètode lintas budaya iki. Dhéwéké ora njupuk siji-loro unsur budaya baé nanging sawiji kompléks sing 15 unsur-unsur budaya kang kabéh ana pengaruh antara siji lan liyané. Murdock pernah kerja bareng karo ahli ngèlmu liyané kaya déné ngèlmu ètnobotani. Karya gedhéné kang akhir ya iku Africa, Its People and Their Cultural History ing taun 1969. Isiné nuduhaké sejarah pangembangan lan panyebaran kabudayan suku-suku bangsa ing benua Afrika nganggo cara mètode ètnobotani[1].