Géografi Prancis

Saka Wikipédia Jawa, bauwarna bébas abasa Jawa
(Dilih saka Geografi Perancis)
Fr-map.png

Géografi Prancis inggih punika papan dunungipun géografis negari Prancis[1] wonten ing Éropah Barat, ingkang winatesan kaliyan Lempongan Biscay lan Selat Channel, wonten ing antawising wewengkon nagara Belgia lan Spanyol, sarta wonten ing sisih kidul Inggris Raya.[2] Lajeng winatesan kaliyan Mediterania, Italia lan Spanyol.[2]

Bentang alam[besut | besut sumber]

Mont Blanc, puncak paling inggil ing nagara Perancis.

Perancis kagungan ruang lingkup ingkang wiyar sanget.[3] Wewengkon lèr lan kilèn sapérangan ageng kasusun saking dataran rendah.[3] Perbukitan lan pegunungan julang wonten ing wewengkon sisih wétan, tengah lan bagèyan kidul.[3]

Perancis kagungan 10 wewengkon daratan utama,[3] inggih punika:

  • Perbukitan Brittany-Normandy inggih punika laladan ingkang kagungan bentang alam arupi dataran sarta perbukitan rendah.[3] Laladan pesisiripun minangka dataran subur ingkang jumbuh kanggé perkebunan buah apel lan padang rumput kanggé ngangon sapi perah.[3] Laladan lempongan-lempongan wonten ing wewengkon punika minangka pelabuhan-pelabuhan ingkang wigati.[3]
  • Dataran Perancis Utara inggih punika wewengkon ingkang kagungan lahan ingkang subur lan industri ingkang produktif.[3] Dataran lér kalebet rata lan ngliputi perbukitan ingkang awujud alas sarta plato. Wewengkon punika padat sanget penduduk lan kutha Paris dumunung wonten ing kawasan punika.[3]
  • Plato Timur Laut inggih punika wewengkon timur laut winatesan kaliyan Belgia ingkang kapisahaken kaliyan Pegunungan Ardennes.[3] Laladan punika ngliputi alas lan dados samsaya boten rata ing bagéyan tenggara (Pegunungan Vosges).[3] Wewengkon punika sugih kasil tambang bijih besi, besi lan baja.[3]
  • Lembah Rhine inggih punika wewengkon ingkang kagungan lèrèng-lèrèng terjal sarta dasar dataran ingkang rata.[3] Manéka wit-witan lan ladhang anggur ngebaki wewengkon punika lan pertanian subur kabentang sadawaning Kali Rhine.[3] Kali punika minangka aliran wigati ing daratan Éropah.[3]
  • Dataran rendah Aquitania. Dataran punika dipunaliri déning Kali Garonne lan manéka anak kali ingkang muara dhatenh kali kasebut.[3] Laladan punika kagungan pasisir kanthi pasir pethak ing pesisir lan bagéyan pedalamanipun kagungan alas pinus, dataran bergelombang lan bukit-bukit pasir.[3] Wewengkon punika ugi dados pemasok buah anggur ingkang wigati kanggé industri minuman anggur Perancis.[3]
  • Dataran Tinggi Tengah utawi Massif Central inggih punika laladan ingkang jarang pendudukipun.[3] Tanah wonten ing wewengkon punika boten subur kejawi ing sapérangan lembah ing pundi gandum rye lan manéka taneman pangan dipunproduksi.[3]
  • Alpen Perancis lan Pegunungan Jura batesi wewengkon Perancis kaliyan Italia lan Swiss.[3] Wonten ing wewengkon punika dumunung Gunung Mont Blanc (4.807 m).[3] Wonten ing laladan punika kathah resor ski.[3]
  • Pegunungan Pyrenees bentang ing wates antawising Perancis lan Spanyol.[3] Kathah puncak wonten ing jajaran punika kagungan kainggilan langkung saking 3000 meter.[3]
  • Dataran Rendah Mediterania lan Lembah Rhone-Saone kagungan laladan tetanén ingkang produktif lan irigasi dipunginakaken kanthi ekstensif.[3] Pesisiripun minangka laladan wisata ingkang regeng dipunkunjungi.[3]
  • Corsica inggih punika sawijining pulo wonten ing Laut Mediterania ingkang kagungan jarak sakitar 160 km ing sisih kidul daratan utama.[3]

Cathetan suku[besut | besut sumber]

  1. ^ http://books.google.co.id/books/about/Geografi_Perancis.html?id=aubOygAACAAJ&redir_esc=y
  2. ^ a b (en) Geography of France, geography.about.com. Dipunundhuh tanggal 17 Maret 2013.
  3. ^ a b c d e f g h i j k l m n o p q r s t u v w x y z aa ab The World Book Encyclopedia. World Book, Inc. 2006. kk. 464–466. ISBN 0-7166-0106-0. 

Delengen uga[besut | besut sumber]

Cithakan:Topik ÉropahCithakan:Perancis-stub