Gabriel Prosser

Saka Wikipédia Jawa, bauwarna bébas abasa Jawa

Gabriel Prosser (Henrico County, 1776 - Richmond, 1800) punika satunggiling batur tukon Afrika-Amérika ingkang nalika taun 1800 mimpin 1100 batur tukon kanggé ngraman.

Kacandhet jawah, pambrontakan kasebat boten kaleksanan amargi bendaranipun sampun dipunkawruhi badhé wontenipun pambrontakan batur tukon.

Biografi[besut | besut sumber]

Miyos minangka batur tukon Thomas Prosser, Gabriel kagungan 2 sedhèrèk: Solomon lan Martin. Kados déné kathah batur tukon sanèsipun, bapanipun Gabriel punika pandhé wesi, makaten ugi Gabriel lan Solomon dipunlatih.

Pambrontakan Gabriel[besut | besut sumber]

Gabriel ngrancang pambrontakan salaminipun mangsa semi lan panas. Nalika tanggal 30 Agustus 1800, panjenenganipun ngajeng-ajeng mimpin batur tukon dhumateng Richmond, nanging jawah ageng damel rencana puniku kacandhet. Ingkang kagungan batur tukon sampun cubriya wontenipun rencana pambrontakan. Gabriel nyobi mlajar dhumateng Norfolk nanging konangan lan dipunkhianati déning batur tukon sanès ingkang ngajeng-ajeng bebungah, lan batur tukon kasebat boten nampi penuh bebungahipun. Gabriel dipunwangsulaken dhumateng Richmond kanggé dipuninterogasi, nanging panjenenganipun boten purun ngakeni. Gabriel, kalih sedhèrèk lan 24 pangikutipun dipunukum gantung.