Euklides

Saka Wikipédia Jawa, bauwarna bébas abasa Jawa
Euclid
Euclid in Raphael's School of Athens
Miyos fl. 300 Saderengipun Masehi
Tilar donya -
Dalem Alexandria, Egypt
Suku bangsa Yunani
Bidhang Matematika
Kaahlian Euclidean geometry
Euclid's Elements

Euclid (Eukleidēs), 300 SM, utawi saged dipunsebat Euclid of Alexandria, inggih punika salah satunggalipun ahli Matematika saking nagari Yunani.[1] Panjenenganipun asring dipunsebat minangka Bapak Geometri.[1] Euclid aktif ing Alexandria, Mesir.[2] Kapan panjenenganipun lair lan wonten pundi ngantos dumugi sapunika dèrèng dipunmangertosi.[1] Dereng kathah tiyang ingkang saged misuwur kados déné Euclid, ahli ngèlmu ukur saking Yunani.[2] Kamangka wekdal gesangipun, tokoh-tokoh kados Napoleon, Martin Luther, Alexander ingkang Agung, sajatosipun langkung misuwur tinimbang Euclides.[2] Ananging jangka panjangipun, Euclides langkung misuwur tinimbang tokoh-tokoh kalawau.[2] Panjenengan misuwur salah satunggalipun amargi sampun nilarake satunggal karya ingkang awrat tumrapipun ngèlmu kawruh, mliginipun bab ngèlmu ukur ingkang naminipun The Elements.[2] Sejatosipun awratipun buku The Elements boten ing bab ingkang mratelakaken rumus-rumus pribadi ingkang dipunserat.[2] Ameh sadaya téyori ingkang wonten ing buku punika sampun naté dipunserat tiyang sadèrèngipun Euclides, lan sampun saged dipunbuktikaken kaleresanipun téyori-téyori kasebat.[2] Sumbangan saking euclides ingkang awrat inggih punika wonten ing cara ngaturipun saking bahan-bahan permasalahanlan formulasinipun ingkang jangkep wonten ing parencanaan panyusunan buku.[2] Sasampunipun punika, kanthi tlaten lan ngatos-atos panjenenganipun ngatur dalil saéngga gampil anggènipun mahami buku punika déning tiyang génerasi salajengipun.[2] Panjenenganipun nyediakaken petunjuk kados pundi cara mecahaken masalah, lan ngembangaken parcobaan-parcobaan.[2]

Cathetan suku[besut | besut sumber]

  1. ^ a b c Euclid of Alexandria dipunundhuh tanggal 1 Juli 2011)
  2. ^ a b c d e f g h i j [Macardle, et al. 2008. Scientists: Extraordinary People Who Altered the Course of History. New York: Metro Books] Masalah sitiran: Tenger <ref> ora trep; jeneng "buku1" diwedharaké ping bola-bali déné isiné béda

Pranala njawi[besut | besut sumber]