Drembombok

Saka Wikipédia Jawa, bauwarna bébas abasa Jawa
Jump to navigation Jump to search
Drembombok
White breasted Waterhen I4-Bhopal IMG 0515.jpg
Klasifikasi ngèlmiah
Karajan: Animalia
Filum: Chordata
Klas: Aves
Ordho: Gruiformes
Famili: Rallidae
Génus: Amaurornis
Spésies: A. phoenicurus
Jeneng binomial
Amaurornis phoenicurus
Pennant, 1769
White-breasted Waterhen.JPG
Pasebarané manuk drembombok
Sinonim

Erythra phoenicura

Drembombok, derbombok, utawa sribombok (Amaurornis phoenicurus) iku manuk sing kalebu famili Rallidae[1][2]. Sebarané nglimputi Indhia, Cina iring kidul, Filipin, lan Indonésia.

Manuk iki lumrahé manggon ing banarawa, sawah, lan pacerèn[3][4][5]. Biyèn manuk iki akèh tinemu, nanging saiki wis arang amarga padha dibedhag. Saliyané kuwi, sudané manuk iki uga amarga akèh sawah sing migunakaké pèstisidhah kimiyah sing njalari regedé panganané, ya iku wijèn, cacing, kéwan gegremetan, lan kéyong cilik.

Manuk iki gedhéné sedhengan lan bisa katitik saka warna elaré sing ireng lan putih. Lumrahé manuk drembombok urip ijèn, sanajan kadhang uga tinemu cacah loro utawa telu. Senengané ndelik ana sesuketan rawa lan njedhul nalika golèk pangan kaya déné manuk pitikan. Sanajan ora bisa mabur dhuwur, drembombok seneng ménclok ana ing glagah lan wit-witan cilik ing banarawa.

Susuhé lumrah mapan ing tengahé banarawa, lan cacahé endhogé 6-7, kang diangkremi déning manuk lanang lan wadon (uga tekané momong anak) lan banjur netes sawisé udakara 19 dina.

Rujukan[besut | besut sumber]

  1. ^ BirdLife International (2012). "Amaurornis phoenicurus". IUCN Red List of Threatened Species. Version 2013.2. International Union for Conservation of Nature. Dijupuk 26 November 2013. 
  2. ^ "Kareo padi". Bawor. Dijupuk 30 April 2013. 
  3. ^ Holmes, Derek (1999). Burung-burung di Jawa dan Bali. Translated by Adisoemarto, Soenarto. Jakarta: Puslitbang Biologi-LIPI. k. 17. 
  4. ^ "Sensus Burung". Satu Harapan. Dijupuk 2014-05-15. 
  5. ^ "Fauna Bukit Baka Bukit Raya Kalimantan Barat". Akademia. Dijupuk 2014-05-15.